Инбэлииттэр норуоттар икки ардыларынааҕы күннэрэ (ахсынньы 3 күнүгэр бэлиэтэнэр) доруобуйаларынан хааччахтаах дьон уопсастыба олоҕор кыттыһалларыгар көмөлөһөр, кинилэр бырааптарын көмүскүүр сыаллаах олохтоммута. Улууспутугар ахсынньы 4 күнүттэн ахсынньы 14 күнүгэр бу күҥҥэ анаммыт декада ыытылла турар.
И.С. Портнягин аатынан Сыырдаах орто оскуолатын салалтата, профсоюһа көҕүлээннэр, кэлэктиип эр дьонун хамаандата инбэлииттэр декадаларын чэрчитинэн доруобуйаларынан хааччахтаах нэһилиэкпит олохтоохторугар Егор Андреевич Охлопковка, Дмитрий Валерианович Бурцевка уонна оскуола бэтэрээн учууталыгар Николай Николаевич Протопоповка көмө оҥорон муус тиэйэн таһааран соһуччу үөрүүнү бэлэхтээтилэр.
Олохтоохтор үөрүүлэрэ муҥура суох.
Ньургуяна Хорунова, иитэр үлэҕэ дириэктэри солбуйааччы