Нэһилиэк баһылыгын быыбарыгар Иванов Иван Николаевич иһин 209 (43,2%) киһи куолаһын биэрдэ. Ильин Илья Прокопьевичка 272 (56,2%) киһи куоластаата, Куличкин Михаил Михайлович иһин куолас киирбэтэ.
Онон баһыйар куолаһы ылан Бэрт Ууһун нэһилиэгин дьаһалтатын баһылыгынан Илья Ильин талылынна.
Ильин Илья Прокопьевич 1993 сыллаахха сэтинньи 27 күнүгэр төрөөбүтэ. 2011 с. Сыырдаах орто оскуолатын бүтэрбитэ.
— 2011-2015 сс. күнүскү үөрэххэ экономист, ветеринарнай, санитарнай экспертиза идэлэрин тэҥинэн бүтэрэр;
— 2012 с. Хатыҥ-Сыһыы сайылыгын ферматыгар учуотчут-лаборанынан уонна бостуугунан үлэлиир;
— 2012-2015 сс. үөрэммит кэмнэригэр Дьокуускай куорат клиническэй балыыһатын кардиология отделениетын реанимациятыгар 4 сыл үлэлиир;
— 2015-2016 сс. Хабаровскай, Уссурийскай куораттарга воздушнай, десантнай войскаҕа сулууспалаабыта;
— 2016-2019 сс. МТС Уус Алданнааҕы тыа хаһаайыстыбатын оҥорон таһаарар кооперативыгар экономист;
— 2019-2020 сс. «Мүрү-Ас» тыа хаһаайыстыбатын бородууксуйатын оҥорон таһаарар кооперативыгар сбыт отделын начальнига;
— 2020-2021 сс. Уус Алдан улууһун тыа хаһаайыстыбатын управлениетын сүрүннүүр экономиһа;
— 2021 с. Уус Алдан улууһун баһылыгын көмөлөһөөччүтэ;
— 2021 сылтан Уус Алдан улууһун тыа хаһаайыстыбатын управлениетын менеджерэ.