Дьокуускайга Юрий Гагарин аатынан култуура дыбарыаһыгар Волонтердар күннэригэр анал байыаннай дьайыыга кыттыыны ыла сылдьар уолаттарга аналлаах өрөспүүбүлүкэтээҕи аһымал аахсыйаҕа «Симэх» иистэнньэҥнэр түмсүүлэрин 12 далбар хотуна «Дьүөгэ» ырыа ансаамбылынан, дефилеҕа бэйэлэрэ тигэн оҥорбут сиэлтэн, тирииттэн дьэрэкээн сахалыы оһуордаах суумкаларын сахалыы таҥнан-симэнэн кыттыыны ылан дьон биһирэбилин ыллылар, аһымал акцияҕа 3000 солк. уган кытыннылар.
Россияҕа Педагог уонна настаабынньык, Саха Өрөспүүбүлүкэтигэр Үлэ сылларынан иистэнньэҥнэр өрөспүүбүлүкэҕэ ыытыллар быыстапкаларга үрдүк көрдөрүүлэринэн, СВО байыастарыгар анаан таҥас тигиитигэр, Россиятааҕы аахсыйаларга актыыбынай кыттыыларынан иһин бары анал бэлиэнэн наҕараадаланнылар.
Нэһилиэкпит уран тарбахтаах иистэнньэҥнэригэр эҕэрдэ уонна махтал тылларын аныыбыт! Инникигэ өссө да элбэх ситиһиилэри, саҥаттан саҥаны айа туралларыгар баҕарыаҕыҥ.
Анисия Гаврильева, Найахы сынньалаҥ киинин уус-уран салайааччыта