Ыам ыйын 16 күнүгэр Дьарыктаах буолуу улуустааҕы киинэ уонна СӨ Психологическай киинин Уус Алданнааҕы филиалын кытта Бороҕон нэһилиэгэр байыаннай дьайыы кыттыылаахтарын күнүн чэрчитинэн аһаҕас аан күнэ тэрилиннэ. Манна байыаннай дьайыы бэтэрээннэрин сойууһун бэрэссэдээтэлэ кытынна.
Күн устата тоҕус киһи консультация ылла, ол иһигэр байыаннай дьайыы дьиэ кэргэттэрэ. Икки байыаннай дьайыы кыттыылааҕа үлэ булуналларыгар көмө көрдөстүлэр. Тэрээһин биир кыттыылааҕын кытта инникитин үлэҕэ наймылыырга «Поиск работы» государственнай хайысханан социальнай контракт түһэрилиннэ. Байыаннай дьайыы кыттыылааҕын дьиэ кэргэнин чилиэнэ реаблитацияны интэриэһиргээбитин, социальнай салалтаны уонна пенсионнай фонданы кытта сүбэлэһэн баран тустаах уоргаҥҥа ыйдылар.
Тэрээһиҥҥэ тус боппуруостары таһынан, вахта ньыматынан үлэни, «Демография» национальнай бырайыагы, бэйэ дьыалатын тэринии тула кэпсэттилэр.
Мария Аргунова