Балаҕан ыйын 11-с күнүттэн саҕалаан улуустааҕы оскуола иннинээҕи үөрэхтээһин тэрилтэлэрэ ааннарын тэлэччи арыйдылар.
Ол курдук «Мүрүчээнэ» уһуйаан оҕолору бэһиэлэй көстүүмнэри кэтэн уруйдуу көрүстүлэр, бу туһунан бас иитээччи Анна Алексеева маннык кэпсээтэ: «Бүгүн «Мүрүчээнэ» оҕо тэрилтэтэ 6-с сылын кырачааннарга ааммытын арыйдыбыт. Быйыл Федеральнай үөрэтэр программа олоххо киирэринэн эмиэ бэрт интэриэһинэй үөрэх сыла күүтэр. Бүгүн аан маҥнай кэлээччилэринэн кырачаан бөлөх иитиллээччилэрэ Ася Платонова, Саарын Алексеев буоллулар. Кинилэри иитээччи Ирина Окоемова, младшай воспитатель Ньургуйаана Платонова, иитээччи көмөлөһөөччүтэ Ньургуйаана Захарова уонна аниматор-үлэһиттэр үөрэ-көтө кыра минньигэс кэһиилээх көрүстүлэр. Өссө да кырачааннарбытын күүтэбит».
Майаҕаска
Кэптэнигэ
Чэриктэйгэ
Бу курдук уһуйааннар кырачаан иитиллээччилэрин үөрэ-көтө көрүстүлэр, олор истэригэр Майаҕас, Кэптэни, Чэриктэй уһуйааннарын хаартыскаларын көрөбүт.
Мария Аргунова