Бүгүн улуус киинигэр Бороҕоҥҥо оҕону эбии үөрэхтээһин киинигэр «Өркөҥҥө» Саха Ѳрөспүүбүлүкэтин үөрэҕириитин туйгуна, «Учуутал албан аат» II степеннээх, «Уус Алдан улууһугар үөрэхтээһини сайыннарыыга кылаатын иһин» бэлиэлэринэн наҕараадаламмыт үөрэх үлэһиттэрин XII сийиэһин делегата Варвара Дьяконова авторскай бырайыагынан Түүлээх орто оскуолата «Бал школьников» үҥкүү уонна КВН улуустааҕы күрэхтэһиитин ыытар.
Күөн-күрэскэ алта хамаанда кыттара билиннэ, ол курдук Бэйдиҥэ, Мындааба, Майаҕас, Тиит Арыы, Мүрү 2-с №-дээх оскуолата уонна Түүлээх оскуолатын уоннуу киһилээх хамаандалара киирсэн саҕалаатылар.
Бу күрэхтэһии кыайыылаахтарыгар оскуолабыт 2007 сыллааҕы выпуһа 16 000 солкуобай бириэмийэни, 2-с миэстэҕэ 2003 сыллааҕы выпуск 10500 солкуобайы, 3-с миэстэҕэ 2009 сыллааҕы выпуһа 7000 солкуобай бириэмийэни туруордулар. Итини таһынан аймахтар, тэрилтэлэр, спонсордар анал ааттарга араас бириистэри олохтоотулар.
Туяра Ушницкая, уопсас. кэрэсп.