Улууспут биир ыраах сытар нэһилиэгэр Түүлээххэ орто оскуола боруогун сэттэ кырачаан атыллаата. Кинилэри маҥнайгы учууталлара – СӨ үөрэҕириитин туйгуна Варвара Петухова көрүстэ.
Оттон бүгүҥҥү Билии күнүн бырааһынньыга быйылгы үөрэх дьылыгар оскуоланы бүтэрэр биэс оҕоҕо олохторун биир бэлиэ түгэнэ буолла.
Итини таһынан бу күн бастыҥ үлэлээх омук тылын учуутала Кыыдаана Бочкарева уонна оскуола психолога Июлия Охлопкова СӨ Ил Түмэниттэн наҕараадалары тутан долгуйдулар.
Агафья Афанасьева, уопсас. кэрэсп.