Элэһин олохтоохторо Саха сирин Ийэлэрин, Россия үрдүнэн Аҕалар күннэрин санаа көтөҕүүлээх, үөрүү үктэллээх атаардылар.
Бырааһынньыгы Элэһиннэҕи сынньалаҥ киинин иһинэн үлэлиир дьахталлар «Мичилий» түмсүүлэрэ тэрийэн ыытта. Үөрүүлэх чааска өрөспүүбүлүкэ аҕаларын түмсүүтүн бэрэссэдээтэлэ Айхал Габышев махтал суруктарын актыбыыс аҕаларга Иннокентий Поротовка, Александр Барашковка, Афанасий Алексеевка туттардылар.
Салгыы Элэһин алын сүһүөх оскуолатын оҕолоро музыкальнай нүөмэринэн, «Мичилий» түмсүү кыттыылаахтара «Оһуор» үҥкүүнэн, эр дьон «Ферма кыргыттара» ырыанан эҕэрдэлэрин тиэртилэр. Ити кэнниттэн хамаандаларга арахсан көрдөөх эстафетаҕа күрэхтэстилэр. Биэчэргэ кэлбит дьон бэйэлэрэ астаабыт араас минньигэс астарынан фуршет остуола тардылынна, онтон Михаил Алексеев эмтээх оттор туһаларын туһунан сиһилии кэпсээн дьон болҕомтотун тарта. Тэрээһн кыттыылаахтара астынан, үөрэн-көтөн, дуоһуйа сынньанан тарҕастылар, инниктин даҕаны маннык түмсүүлээх буолуоххайыҥ.
Ион Соловьев, Элэһин учаастагын сынньалаҥ киинин салайааччыта