Окоемовка бөһүөлэгэр Комсомол күнүн бэрт сэргэхтик ыыттылар. Бэтэрээннэр Сэбиэттэрин салайааччыта Альбина Аммосова салайыытынан, бөһүөелэк аҕам саастаах дьоно киэһэ факеллаах хаамыыга муһуннулар. Онтон сүдү киһилэрин Николай Окоемов уулуссатыгар тахсан сэлэлээн хаамтылар.
Бөһүөлэк скверигэр биир дойдулаахтарын бөдөҥ уопсастыбаннай судараастыбыннай диэйэтэл Николай Окоемов пааматынньыгар митинг буолла. Бу күн Окоемовка бөһүөлэгэр улахан суолталааҕын туһунан Николай Бурнашев сиһилии кэпсээтэ, кини Николай Окоемов улуус бастакы комсомольскай тэрилтэтин тэрийсибит, сэкирэтээрдээбит киһи буоларын аҕынна.
Онтон КСК дьиэтигэр дьиҥнээх комсомольскай мунньах буолла. Комсомольскай тэрилтэ сэкирэтээрэ Альбина Аммосова мунньах хаамыытын билиһиннэрдэ. Бибилэтиэкэр Любовь Местникова Окоемовка уонна сопхуос урукку комсомольскай олоҕун, бастыҥ комсомолецтарын, пятилетка гвардеецтарын туһунан иһитиннэрии оҥордо.
Бэрт истиҥ ахтылҕан киэһэтигэр саастаах көлүөнэ эдэр саастарын санаан, былыргы үҥкүүлэри үҥкүүлээн, комсомольскай ырыалары ыллаан, оонньоон-көрүлээн тарҕастылар.
Мария Аммосова, уопсас. кэрэсп.