Саха тылынан тахсар хаһыаттар үлэһиттэригэр анаан Дьокуускайга Национальнай бибилэтиэкэҕэ «Тыл уонна идэ» форум саҕаланна. Форум сүрүн сыала – төрөөбүт тылбытын харыстааһын, харааннааһын.
Бу тула киэҥ хабааннаах иһитиннэриилэр, кэпсэтиилэр, ырытыһыылар буола тураллар. Пленарнай чааска «Чолбон» сурунаал корректора Анна Прудецкая бэчээт үлэһиттэрэ тутталларыгар анаан иилээн-саҕалаан таһаарбыт тирэх тылдьытын билиһиннэрдилэр.
Тылдьыт «2020-2024 сс. СӨ судаарыстыбаннай уонна официальнай тылларын харыстааһын, үөрэтии уонна сайыннарыы» СӨ судаарыстыбаннай программатын бырайыагын быһыытынан оҥоһуллубут.
Манна саха тылынан тахсар хаһыаттарга үгүстүк көстөр нууччалыы тыллар тылбаастара, солбуктара киирбиттэр.