«Уус Алдан: физкултуура хамсааһына уонна Н.Н.Тарскай» тиэмэҕэ улуустааҕы бибилэтиэкэ информационнай-мэтэдьиичэскэй киинин бибилэтиэкэрэ, СӨ култууратын туйгуна Мария Попова уонна улуустааҕы оҕо, ыччат, дьиэ кэргэн ааҕар киинин бибилэтиэкэрэ Надежда Гоголева Мүрү 1-гы нүөмэрдээх орто оскуолатын 6 «б» кылааһыгар (кыл. сал. Федора Бурнашева) СӨ физкултуурунай хамсааһын 100 сылынан уонна кэлэр сылга ыам ыйын 8 күнүгэр төрөөбүтэ 100 сыла туолар судаарыстыбаннай, уопсастыбаннай деятель, физкултуура, успуорт хамсааһынын төрүттээччитэ, ССРС физкултууратын туйгуна, 50-с сыллар саҥаларыгар Мүрү орто оскуолатын физкултуураҕа учуутала, 1955-1959 сс. Саха АССР Миниистирдэрин Сэбиэтигэр физкултуура уонна успуорт кэмитиэтин салайбыт Н.Н. Тарскай туһунан бэсиэдэлэри оҥордулар.
Үөрэнээччи Айтал Попов успуорт историятын билэрин көрдөрдө, үгүс ыйытыкка сөптөөх хоруйу бастакынан биэрдэ. Кэлэр сылга Н.Н. Тарскай үбүлүөйүнэн оскуола үөрэнээччилэригэр чулуу биир дойдулаахпыт Н.Н. Тарскай, улуус спортсменнарын, успуорт салайааччыларын, физкултуура учууталларын сырдатыы, үөрэнээччилэргэ билиһиннэрии үлэтэ барыаҕа.
Елена Сыроватская, уопсас. кэрэсп.