И.И. Гоголев-Дыргыабай аатынан Найахы орто оскуолатын 8-11 кылаастарын үөрэнээччилэрэ Күннэй Фомина, Сайыына Гуляева, Алла Арсентьева, Слава Гуляев, Ваня Гуляев күһүҥҥү сынньалаҥ кэмигэр салайааччыларын оскуола эбии үөрэхтээһин педагога Валерия Васильеваны кытта Бороҕоҥҥо сырыыларын кэмигэр анал байыаннай эпэрээссийэ кыттыылааҕа, Мүрү 1-гы №-дээх орто оскуолатын 2006 сыллааҕы выпускнига, «Эр санаа» уордьан уонна Жуков аатынан мэтээл кавалера, старшай сержант Василий Данилов пааматынньыгар сылдьан хорсун хамандыыр олоҕун, бойобуой суолун туһунан Мүрү 1-гы №-дээх орто оскуолатын музейын үлэһитэ Елена Сыроватская кэпсээнин болҕойон иһиттилэр.
Биир дойдулаахтара Николай Голиковы, Василий Даниловы ахтан туран анал байыаннай эпэрээссийэ кэмигэр Ийэ дойдуларын туһугар тыыннарын толук уурбут бары саллааттарга сүгүрүйэн оскуола 11-с кылааһын үөрэнээччитэ Сайыына Гуляева сибэкки дьөрбөтүн уурда.
Елена Сыроватская, уопсас. кэрэсп.