Мин ийэм куруук күлэ-үөрэ сылдьыан баҕарабын
Мин ийэм аата Ульяна Степановна. Кини балыыһаҕа үлэлиир. Биһиги бииргэ төрөөбүт үһүөбүт, эдьиийдэрим Света уонна Настя буолан ийэбитигэр куруук көмөлөһөбүт. Мин иһит сууйарга, дьиэни хомуйарга көмөлөһөбүн, ороммун хомуйабын. Ас астыырга көмөлөһөбүн, пицца, алаадьы, хобуорас, торт, бэрэски оҥорсооччубун.
Ийэм дорама көрөрүн сөбүлүүр. Хас нэдиэлэ аайы бары мустан чэйдээччибит уонна кутталлаах түбэлтэлэри кэпсэтэбит.
Мин ийэбин олус таптыыбын. Куруук күлэ- үөрэ сылдьыан баҕарабын.
Ваня Нестеров, Мүрү 2 №дээх оскуолатын 3 “б” кылааһын үөрэнээччитэ, “Өркөн” оҕону эбии үөрэхтээһин киинин иитиллээччитэ
Ийэбин эҕэрдэлиибин!
Мин ийэм аата Варвара Гаврильевна, дьаһалтаҕа үлэлиир. Кини наһаа кыраһыабай. Биһиги бииргэ төрөөбүт иккиэбит. Убайым Ньургун студент.
Мин киниэхэ көмөлөһөн иһит сууйабын, дьиэ хомуйабын. Биһиги бары бурдук аһы сиирбитин сөбүлүүбүт, ийэбэр пицца, алаадьы, хобуорас, блины астыырга көмөлөһөбүн. Киэһэтин бары түмсэн саҥа тахсыбыт сериаллары көрөрбүтүн сөбүлүүбүт.
Ийэбит биһигини олус таптыыр. Үөрэхтээх, үлэһит дьон буолуохпутун баҕарар. Кыра эрдэхпинэ элбэх остуоруйа ааҕан биэрэр этэ. Ол иһин мин үөрэхпэр кыһаллабын, туйгун үөрэнээччибин.
Мин ийэбин олус таптыыбын. Ийэлэр күннэринэн эҕэрдэлиибин! Куруук кыраһыабай буоллун. Хаһан да ыалдьыбатын!
Мичил Баишев, Мүрү 2 №дээх оскуолатын 3 “б” кылааһын үөрэнээччитэ, “Өркөн” оҕону эбии үөрэхтээһин киинин иитиллээччитэ