Спартакиадаҕа бигэргэммит алта көрүҥҥэ илин-кэлин түһүспүт 200-тэн тахса кыттыылаах, күөн көрсүбүт 18 нэһилиэк хамаандаларын икки ардыларыгар кыайыылаахтар ааттаннылар.
Улахан нэһилиэктэргэ кыайыы өрөгөйүн Өлтөх нэһилиэгин хамаандата биллэ. Иккис миэстэни Бэрт Ууһун нэһилиэгэ ылла. Үһүс миэстэҕэ Суотту нэһилиэгин хамаандата таҕыста. Оттон кыра нэһилиэктэргэ Хоро нэһилиэгин бэтэрээннэрэ бастаатылар. Иккискэ Өнөр хамаандата таҕыста, үһүс – Баатаҕай нэһилиэгин бэтэрээннэрэ.
Улууспут киинин саҥа улахан саалата үлэҕэ киирэн, киэҥ хабааннаах күрэхтэһиилэр ыытыллалларыгар олус табыгастаах, бары өттүнэн хааччыллыылаах буолан, маассабай спорт сайдыытыгар төһүү күүһүнэн буоларыгар эрэллээхпит. Түмсүүлээх, дьулуурдаах бэтэрээннэр холобурдарынан уһун үйэлэнии туһугар туруулаһан, улууспут дьоно-сэргэтэ спорду өрө тутан, чөл олоҕу тутуһан кыайыыларга дабайыахпыт турдаҕа.
Ольга Шепелева