Бүгүн улуус мунньаҕын саҥа дьокутааттара иккис сессияларыгар муһуннулар. Мунньаҕы дьокутааттар Сэбиэттэрин бэрэссэдээтэлэ Иннокентий Аммосов салайан ыытта. Анаан бэлэмнэммит алта боппуруоһу көрдүлэр. Сессияҕа улуус баһылыга Василий Аммосов, прокурор Александр Малинкин кыттыыны ыллылар.
Быыбардаммыт 19 дьокутааттан 16 кэлбитинэн сессия көрүллүбүт былаанынан үлэлээтэ. Дьүүллэһиигэ киирбит боппуруостарга иһитиннэриилэри истэн баран, дьокутааттар туох да мөккүөрэ суох ылынан истилэр. Сокуон да өттүттэн кэһии баара биллибэтэ.
Сүрүн боппуруос – улуус кэлэр сыллааҕы бүддьүөтүн туһунан иһитиннэрии – дьокутааттар сөбүлэҥнэрин ылан, кэлэр сессияҕа бастакы ааҕыыга ааста. Ол сэтинньигэ буолуохтаах.
Афанасий Сектяев