Биллэрин курдук, быйылгы быыбарга улуус мунньаҕын дьокутааттара эмиэ талыллыбыттара. Кинилэр алтынньы 20 күнүгэр биэс сыллаах болдьохторун иккис сессиятыгар мустуохтара. Бастакы сессия балаҕан ыйын 27 күнүгэр буолбута. Онно дьокутааттар Сэбиэттэрин бэрэссэдээтэлэ талыллыбыта. Онон бу уочаратынан иккис эрээри, бастакы үлэлиир сессия да диэххэ сөп.
Сэбиэт бэрэссэдээтэлэ Иннокентий Аммосов иһитиннэрбитинэн, сессияҕа бигэргэммит алта боппуруос көрүллүөхтээх. Сүрүн боппуруостарынан ХХХ сессия улуус бүддьүөтүн туһунан быһаарыытыгар уларытыылары киллэрии, ураты харыстанар сирдэри көрүүгэ-истиигэ муниципальнай хонтуруол туһунан 2021 с. ахсынньы 29 күнүнээҕи сессия 201№-дээх быһаарыытыгар уларытыылары киллэрии, тиэхиньикэлэри Мүрү, Бэрт Ууһун, Дүпсүн нэһилиэктэрин бас билиилэригэр биэрии, Уус Алдан улууһун устаабыгар уларытыылары уонна эбиилэри киллэрии туһунан уонна дьокутааттар Сэбиэттэрин бастайааннай хамыыһыйаларын бигэргэтии туһунан буолуохтара.
Афанасий Сектяев