Улуус волонтердара иистэнэр уонна масксиэккэ өрөр үлэлэрэ тохтообот. Бүгүн даҕаны улуустааҕы психологическай киин дьиэтигэр иис үлэ күөстүү оргуйар, ону тэҥэ Найахы, Байаҕантай, 2-с Лөгөй, Лөгөй нэһилиэктэригэр эмиэ волонтердар иистэнэллэр даҕаны, масксиэккэлэри өрөллөр.
Киин салайааччыта Саргылаана Никитина:
– Бүгүн улуустааҕы киин балыыһа, Мүрү нэһилиэгин “Сардаана”, “Мүрүчээнэ”, “Мичил” оҕо саадтарын кэлэктииптэриттэн кэлэн көмөлөһө сылдьаллар. Сыырдаахтар, кэптэнилэр, балыктаахтар, тандалар уонна тулуналар бүгүҥҥү үлэлии олорор хаартыскаларын ыыттылар. Ону таһынан биирдиилээн баҕалаахтар кэлэн, таҥас ылан дьиэлэригэр илдьэ баран тигээччилэр эмиэ элбээн эрэллэр, – диэн иһитиннэрдэ.
