Уус Алданнааҕы техникумҥа саҥа дириэктэр ананна.
Кирилл Владимирович Данилов Сунтаар улууһуттан төрүттээх, 36 саастаах. Эколог-айылҕа баайын туһаныы, теплотехник, тутуу сметчигэ, тыа хаһаайыстыбатын исписэлииһэ үөрэхтээх.
Бу иннинэ “Гидрострой” ХЭТ бырайыактыыр үлэҕэ эколог-инженерынан, Сунтаар Кириэстээҕэр бааһынай хаһаайыстыба салайааччытынан, СӨ Үөрэх уонна наука министиэристибэтигэр теплотехнигынан, 2020-2026 сс. министиэристибэ иһинэн үлэлиир ресурснай хааччыйыы киинигэр исписэлииһинэн, салгыы салайааччы солбуйааччытынан үлэлээбит уопуттаах.
«Үөрэх уонна билим миниистирэ Уус Алдан техникумун салайар туһунан этиитин ылынан, үлэбин ааспыт нэдиэлэттэн саҕалаатым. Бу күннэргэ техникум үлэтин билистим, үлэ маҥнайгы былаанын торумнаатым. Үлэлэһэн иһиэхпит», – диэн саҥа дириэктэр эттэ.
Манна даҕатан эттэххэ, Уус Алдан техникумугар быйылгы үөрэх дьылыгар саҥа наборга: 9-с уонна 11-с кылаас кэннэ баҕалаах оҕолору сыбаарсык, билиитэ уурааччы идэлэригэр үөрэххэ ыҥыраллар.
Мария Аргунова