Атырдьах ыйын 23-25 күннэригэр Дьокуускайга Н.Н. Тарскай аатынан «Туймаада» стадиоҥҥа 2013-2014 сыллаах төрүөх уолаттар ортолоругар «Кубок Пульса» диэн футболга өрөспүүбүлүкэтээҕи аһаҕас күрэхтэһии буолан ааста.
Улууспут Е.Ф. Габышев аатынан оҕо спортивнай оскуолатын хамаандата өрөспүүбүлүкэ уон хамаандатын иһигэр үс күннээх киирсии кэннэ 3-с миэстэ буолары ситистэ. Маны таһынан күрэхтэһиигэ алта анал аатынан бэлиэтээтилэр, онно Мүрү 1-гы нүөмэрдээх оскуолатын 5-с кылааһын үөрэнээччитэ Андрей Андросов «Лучший нападающий» диэн аат хаһаайынынан буолла.
Кэскиллээх футболистарбытыгар, кинилэр тренердэригэр Алексей Тарскайга итии-истиҥ эҕэрдэ буолуохтун.
Светлана Местникова