Мүрүтээҕи эдэр натуралистар станциялара «Уус Алдантан – кэрэ бэлэх» набордары оҥорон атыыга таһаарда.
Бу наборга харысхал, Дүпсүн бааһыналарыгар үүммүт олохтоох бурдук уонна дьикти минньигэс амтаннаах фрипсы (хатарыллыбыт яблоко, банан уонна мандарин) киирэллэр. Кэһии курдук ыларга бэртээхэй бэлэх эбит.
Санатар буоллахха, 2030 сылга Уус Алдан оройуона төрүттэммитэ 100 сылын тэрийэн ыытар хамыыһыйа ылыммыт концепциятыгар тыа хаһаайыстыбатын салаатын олохтоох араас бородууксуйатын «Уус Алдаҥҥа оҥоһуллар» («Сделано в Усть-Алдане») биир кэлим брендынан таһаарыы ситиһиллиэхтээх. Онон бу хайысхаҕа үлэни юннаттар станциялара биир бастакынан саҕалаабыттар, мантан салгыы бородууксуйа арааһа элбээн иһэрин ситиһэр, хаачыстыбатын өссө тупсарар уонна киэҥ эйгэҕэ таһаарар сорук турар.
Диана Седалищева