Өрөспүүбүлүкэ, дойду үрдүнэн бу күннэргэ бензини, сэлээркэни кутар заправкалыыр станцияларга хааччахтааһын киллэрилиннэ. Бу уматыкка дефицит, ыаратан атыылааһын тэриллибэтин туһуттан хааччахтааһын оҥоһулунна.
Бу боппуруоска улууспутугар балаһыанньа хайдаҕын туһунан улуус дьаһалтатын тутууга салаатын начаалынньыга Максим ГУЛЯЕВТАН хоруйдууругар көрдөстүбүт:
– Бу дьыл бэс ыйын 29 күнүн киэһэ 20 чааһыттан саҕалаан “Туймаада-Нефть” АО НК хампаанньа заправкалыыр станцияларыгар (АЗС) биир транспорт средствотыгар биирдиилээн кутууга быстах кэмҥэ ыйыллыбатах болдьоххо хааччахтааһыны киллэрдэ. Ол курдук, “АИ-92”, “АИ-95”, “АИ-98” массыына уматыктарыгар биир транспорт средствотыгар 20 лиитэрэҕэ диэри кутарын биллэрдэ. Бу заправкаҕа сэлээркэ кутуллубат буолла. Итиэннэ таараҕа (канистраҕа, буочукаҕа, о.д.а. иһиттэргэ) хайа да көрүҥэ эмиэ кутуллубатын туһунан иһитиннэрдэ.
Оттон “Сахатранснефтегаз” хампаанньа заправкалыыр станциятыгар массыынаҕа уматыгы кутуу 30 лиитэрэҕэ диэри хааччахтанна. Сэлээркэни 200 лиитэрэттэн ордук кутуллубат буолла. Уматык иһиттэргэ кутуллан эмиэ атыыламмат. Ол эрээри юридическай сирэйдэргэ хааччахтааһын суох.
Светлана Сивцева