Дьокуускай куоракка буола турар Саха Өрөспүүбүлүкэтин муниципальнай тэриллиилэрин X сийиэһин чэрчитинэн улуус баһылыгын бастакы солбуйааччы Семен Бурнашев салайааччылаах Уус Алдан улууһун делегацията СӨ экономикаҕа миниистирэ Петр Попову кытары көрүстүлэр.
Көрсүһүүгэ улууспут социальнай-экономическай сайдыытын боппуруостарын, инфраструктураны тупсарыыга, саҥа бырайыактары олоххо киллэриигэ кэскиллээх былааннары ырыттылар.
«Бүгүҥҥү көрсүһүү улууспут сайдыытыгар саҥа хамсааһыннары оҥорорго суолталаах буолуоҕа, бары былааннарбытын, инники хардыыларбытын чопчулаан, экэниэмикэ боппуруостарын сөптөөх хайысханан ырыттыбыт» — диэн Семен Бурнашев бэлиэтээтэ.
Улуус дьаһалтатын пресс-сулууспата