Эһигини улууспут тапталлаах «Мүрү саһарҕата» хаһыатын төрөөбүт күнүнэн, «Уус Алдан улууһа» муниципальнай оройуон дьаһалтатын аатыттан итиитик-истиҥник эҕэрдэлиибит.
1935 сыллаахха сандал сааһы уруйдуу муус устар 4 күнүгэр улууспут сонуннарын сойуппакка тиэрдэр хаһыаппыт бастакы нүөмэрэ бэчээттэнэн тахсыбыта. Бу кэмтэн ыла 90 сыл устата уйгу сирэ Уус Алдан дьонугар күүтүүлээх хаһыаппыт история кэрчик кэмнэрин сырдатан, сытыы ырыытыылаах материаллардаах араас рубрикалардаах, биир дойдулаахтарбыт туһунан сиһилии кэпсээн үлэлээн-хамсаан кэллэ. Олох сайдыытын кытта тэҥҥэ сайдан, дьон ирдэбилигэр сөп түбэһэн айымньылаах үлэ аартыгын тутуһан кэллэ диэн бэлиэтиибит. Бу дьоро күҥҥэ «Мүрү саһарҕата» хаһыат эрэллээх ааҕааччыларыгар, куруук сонуннарын сойуппакка үллэстэр уопсастыбаннай кэрэспэдьиэннэригэр, суруналыыстарыгар, араас кэмҥэ үлэлээбит бэтэрээн үлэһиттэргитигэр дириҥ махталбытын тиэрдэбит.
Баҕарабыт эһиэхэ чэгиэн туругу, уҕараабат эрчими, айымньылаах үлэҕитигэр үрдүктэн үрдүк ситиһиилэри, дьиэ кэргэҥҥитигэр дьолу-соргуну.
Улуус баһылыгын э.т. Илья Юрьевич Артамонов