Тулунаҕа саҥа дьиэни арыйыыны таһынан олохтоох кулуупка аныгы 1,5 мөлүйүөн солкуобай суумалаах LED-экраны сүрэхтиир тэрээһин ыытылынна.
Кулууп дириэктэрэ Наталья Гоголева:
– Маннык экраны ылыы ыра санаабыт этэ. Былырыын «Биир ньыгыл Россия» бэлитиичэскэй баартыйа «Моя малая Родина» анал бырагырааматыгар сайаапка биэрэммит, элбэх куонкуруһу ааһан ыллыбыт. Бу экран нэһилиэкпитигэр култуурунай тэрээһиннэри ыытарга, сайдыыбытыгар улахан суолталаах. Бу бырагыраамаҕа киирсэргэ үлэлэспит бары дьоммутугар, кэлэктииппэр улаханнык махтанабын.
Наталья Попова