Кулун тутар 14 күнүгэр түөрт геройдаах Байаҕантай нэһилиэгэр Танда орто оскуолатын 1975 сыллаахха бүтэрбит выпускниктар 50 сыллааҕыта орто оскуоланы бүтэрбиппитинэн , үөрэммит, олох киэӈ аартыгар көччөх гынан көтүппүт , билигин үлэлээбэт эргэ оскуолабыт макетын оӈотторон, оскуола үөрэнээччилэригэр, педагогическай коллективка үөрүүлээх быһыыга- майгыга туттардыбыт. Бу иһинэн умайар уоттаах гына оҥоһуллубут бэлэх былаан быһыытынан, 1975 сылга бүтэрбиттэр 50 юбилейдаах сылларынан былырыын бэриллиэхтээҕэ кэккэ биричиинэлэринэн арыый хойутаан туттарылынна.
1975 сыллаахха Танда орто оскуолатыгар Түүлээхтэн, Бээрийэттэн, Тиит Арыыттан мустан үөрэммит, орто оскуоланы бүтэрбит үбүлүөйдээх выпуск сайын көрсөн, 50 сылбытын бэлиэтээбиппит. Манна даҕатан эттэххэ, оскуоланы бүтэрбиппит 45 сылыгар анаан фото- альбом кинигэ оӈорон оскуола музейыгар эмиэ бэлэхтээбиппит.
Бу үбүлүөйдээх Көмүс выпуск -75 выпускниктара, бииргэ үөрэммит оччотооҕу оҕолор, оскуоланы бүтэриэхпититтэн үйэ аӈарын устатыгар кылааһынан бэйэ-бэйэбитигэр олох араас үөрүүлээх да, хомолтолоох да күннэригэр билсэ, өйөһө сылдьабыт.
Бэлэхпитин үөрүүлээх быһыыга-майгыга туттаран оскуола үөрэнээччилэригэр кэс тылы этэн баран выпускниктар делегациялара экскурсиялаан оскуоланы көрдүбүт. Биир үөрүүлээҕэ билигин орто оскуола директорынан одноклассникпыт Г. И. Готовцев уола К. Г. Готовцев үлэлии олороро буолар. Директор К. Г. Готовцев экскурсия кэмигэр оскуола үлэтин-хамнаһын сиһилии билиһиннэрдэ.
Салгыы И.П. Готовцев аатынан историческай, архитектурнай түмэлгэ сырыттыбыт. Бу республика биир биллэр түмэлигэр директорынан эмиэ одноклассницабыт Ф. К. Петрова кыыһа М.П. Черноградская үлэлиир, Матрена Петровна выпуск делегациятын көрсөн, түмэл үлэтин биирдии отделларынан көрдөрөн сүрдээх интэриэһинэй экскурсияны оӈордо. Байаҕантай, Саха сирин туһунан урут истибэтэх, билбэтэх чахчыларбытын иһиттибит, көрдүбүт, билиибитин хаҥаттыбыт. Онон бары өттүнэн, олус интэриэһинэй көрсүһүү буолла.
Бу тэрээһиҥҥэ бары өттүнэн бэлэмнэспит, тэрийсибит бииргэ үөрэммит доҕотторбутугар Мария, Степан Федоровтарга выпуск -75 аатытттан улахан махталбытын тиэрдэбит. Транспорт өттүнэн наада буоллаҕына куруук хааччыйар Г. И. Готовцевка туһунан махталбытын этэбит. Ону таһынан, выпуск -75 туһунан фото- альбом кинигэбитин хомуйан, бэчээккэ бэлэмнээн таһаарбыт одноклассницабытыгар Р. П. Бурцеваҕа улахан махталбытын биллэрэбит.
Выпуск -75 аатыттан Н.Н. Громова суруйда