Бу туһунан киин уус-уран салайааччыта Василий Черкашин иһитиннэрдэ:
– Кэнсиэр көрдөрөн, ону тэҥэ интернат дьиэҕэ олорор биир дойдулаахтарбытыгар нэһилиэк социальнай үлэһитэ Варвара Иванова Данилова Мария Михайловнаҕа, Андросов Михаил Николаевичка, Петухов Аркадий Петровичка, Протодьяконов Василий Михайловичка, Петров Иннокентий Ильичкэ уонна Портнягин Павел Павловичка төрөөбүт төрүт сирдэриттэн, Сыырдаахха олорор аймахтарыттан ас кэһиилэрин, библиотекарь Пелагея Парникова интернат библиотекатыгар Сыырдаах орто оскуолатын 6-с кылааһын үөрэнээччилэрэ кылаас салайааччыта Диана Неустроева, «Чуораанчык» уһуйаан үлэһиттэрэ, «Эйэҕэс эбээлэр» түмсүү (сал. Альбина Неустроева уонна Зоя Петрова), Дмитрий Бурцев кинигэ бэлэхтэрин уонна норуот айымньытын киинин директора Лилия Бурцева өйдөбүнньүк бэлэҕин интернат дьиэ директорыгар М.В. Местниковаҕа туттардылар.
Аҕам саастаахтарбытыгар Пелагея Егоровна викторина оҥорон сэргэхситтэ. Олохтоохтор викторинаҕа кыттан, өйдөбүнньүк бэлэхтэри тутан үөрдүлэр. Тэрээһиммитин өйдүү-саныы сылдьарга уопсай хаартыскаҕа түһүүнэн түмүктээтибит. Аҕам саастаахтарбыт, биир дойдулаахтарбыт үөрүүлэрэ-көтүүлэрэ биһигини долгутта, истиҥ-иһирэх кэпсэтиинэн тарҕастыбыт.