Сыырдаахха муус устар 18 күнүгэр доруобуйаларынан хааччахтаах дьон икки ардыгар муус аннынан балыктааһыҥҥа хаһыс да төгүлүн ыытыллар күрэспит буолан ааста.
Быйыл хаһааҥҥытааҕар да элбэх киһилээх тэрээһин буолла. Ол иһин кэлбит дьоммутун барыларын түөрт хамаандаҕа арааран биэс көрүҥҥэ күрэхтэстибит.
«Саамай улахан балык» бирииһи – Прокопий Колодезников, «Бастакы балык» бирииһи – Елизавета Васильева, кэрэ аҥаардарга «Саамай элбэх балык» бирииһи – Бэйдиҥэ хамаандата, эр дьоҥҥо – Тарскай Николай, хамаандаларга Мордовской Василий хамаандата ыллылар.
Үс кыайбыт хамаанда мэтээл, грамота бэлэх туттулар. Төрдүс хамаандаҕа эмиэ бэлэх туттарыллынна. Онон кэлбит дьон бары бириистээх үөрэн-көтөн тарҕастылар.