Россияҕа Дьиэ кэргэн, өрөспүүбүлүкэҕэ Оҕо саас, улууспутугар Аҕа сылыгар аналлаах өбүгэ оонньууларыгар “Оскуола Кубога” диэн аҕаларга күрэхтэһии буолан ааста. Бу оонньуу “Саха” НКИХ ханаалыгар “НВК Кубога” күрэхтэһиигэ олоҕуран ыытылынна.
Ол курдук, 7 көрүҥҥэ 3 хамаандаҕа 7-лии аҕа, эһээ, убай кыттан, тыҥааһыннаах күрэхтэһиигэ күөн көрүстүлэр. Спорду сэҥээрээччилэр, төрүт оонньуулары сөбүлээн көрөөччүлэр күрэҕи астына-дуоһуйа көрдүлэр. Бу оонньуу көрүҥнэрэ тобуллаҕас толкуйдаах, сымса, сылбырҕа, бэйэни кыанар, дьулуурдаах буоларга ыччакка үтүө холобур, иитэр-үөрэтэр, сайыннарар соруктаах ыытылынна.
Түмүккэ үс миэстэ тахсан, бары хамаанда кыттааччылара мэтээлинэн, добун суругунан, муҥур кыайыылаах хамаанда Кубогынан уонна биирдиилээн көрүҥҥэ кыайыылаах сэттэ аҕа нэһилиэкпит тэрилтэлэрэ туруорбут бириистэринэн наҕараадаланнылар.
Ол курдук “Бөтөс” алын сүһүөхтэр аҕалара 1-кы миэстэ:
- Захаров Федор
- Неустроев Прокопий
- Копырин Павел
- Бояров Алексей
- Антонов Василий
- Колодезников Алексей
- Шепелев Василий.
“Боотур” ортоку сүһүөх аҕалара 2-с миэстэ:
- Бурцев Геннадий
- Олесов Айсен
- Васильев Андрей
- Охлопков Дьулустаан
- Местников Степан
- Портнягин Андрей
- Бурцев Валентин.
«Бэргэн» үрдүкү сүһүөх аҕалара 3-с миэстэ:
- Иванов Николай
- Андросов Василий
- Аммосов Александр
- Иванов Виталий
- Березкин Николай
- Олесов Гаврил
- Блинов Серафим.
Биирдиилээн көрүҥҥэ кыайыылаах аҕалар:
- “Кириэс тэбии” (прыжки через палки крест) – Неустроев Прокопий.
- “Тутум эргиир” – Копырин Павел.
- “Ойбонтон уулааһын” – Антонов Василий.
- “Бэһирик сүүрдүү” – Бояров Алексей.
- “Халбас харата” – Олесов Айсен.
- “Мээчиги киллэр” – Местников Степан.
- “Ыараханы көтөҕүү” – Колодезников Алексей.
Көхтөөх кыттыыны ылбыт бары аҕаларбытыгар, эһэлэрбитигэр, убайдарбытыгар оскуола кэлэктиибин аатыттан махталбытын тиэрдэбит. Өссө да инникитин кэнчээри ыччаппыт туһугар бары бииргэ тутуһан үлэлиэхпит, сырабытын ууруохпут.
Ньургуяна Хорунова, иитэр үлэҕэ дириэктэри солбуйааччы