Сахабыт сиригэр уһун унньуктаах ардах кэнниттэн өрүстэр ууларын таһыма үрдээн, өрүс кытылыгар баар нэһилиэнньэлээх пууннар оттуур ходуһаларын халаан уута ылара үксээтэ. Уус Алдаҥҥа биир бастакынан Суотту нэһилиэгэр бэҕэһээҥҥиттэн Өлүөнэ эбэ уутун таһыма үрдээн саҕалаата.
Ол туһунан баһылыгы солбуйааччы Надежда Черкашина иһитиннэрэр:
– Уу таһымын хонтуруолга ылан кэтии сылдьабыт. Бэҕэһээ киэһэ 21:00 чааска гидропоска бастакы рейка «0» көрдөрөн турбут эбит буоллаҕына, бүгүн сарсыарда 09:00 чааска 61 см үрдүү охсубут. Уу син биир кэлэ турар. Кытылга, намыһах сир оттуур ходуһалар ууга баран улахан хоромньуну таһаардылар, билигин өссө орто сытар ходуһаларга киирдэ. Биир да отчут окко киирэ илик эрээри, уу кэлэн барбытын кэнниттэн оттуур ыарахаттардааҕа сэрэйиллэр. Бөлөҕүс диэн арыыга оттооччулар, онно кыайан тиийбэккэ сылдьаллар.
Нэһилиэнньэлээх пууҥҥа куттал суоһаабат. Паром сырыытын тохтоппокко үлэлиир, арай тиксэр кытылын уларыппыта. Суоттуттан куораттыыр суол үчүгэй.
Анатолий Кириллин