Жизнь в районахИнтересноеНовостиОбществоСпорт

Сарсын Николай Тарскай аатынан спорт дыбарыаһыгар сүүрүү манеһын арыйар өрөспүүбүлүкэтээҕи турнир ыытыллар

Мүрү саһарҕата
Улуус киинигэр Бороҕоҥҥо сарсын, олунньу 10 күнүгэр, чэпчэки атлетикаҕа өрөспүүбүлүкэтээҕи турнир буолаары турар. Күрэхтэһии спорт уораҕайыгар сүүрүү манеһын арыйар түгэҥҥэ ананар, ол эбэтэр бу манежка бастакы улахан күрэхтэһии тэриллэр.

– Бу түгэҥҥэ биллэринэн, барыта 10 улуустан уонна Дьокуускайтан сайаапкалар киирдилэр. Ол курдук киин куораттан уонна Хаҥалас, Мэҥэ Хаҥалас, Нам, Горнай, Чурапчы улуустарыттан, ыраах Өймөкөөнтөн, Булуҥтан тиийэ сүүрүктэри, ааттаах-суоллаах спортсменнары күүтэбит.

Күрэхтэһии 2010-2011 с.т., 2008-2009 с.т. кыргыттарга, уолаттарга 60, 400, 1000 м дистанцияларга, 2005 с.т. үөһээ дьахталларга, эр дьоҥҥо 60, 800, 3000 м, 35 саастарыттан ветеран дьахталларга уонна 40 саастарыттан үөһээ эр дьоҥҥо 3000 м дистанцияҕа ыытыллар. Сүүрүүлэр 11 чаастан саҕаланыахтара, – диэн күрэхтэһии кылаабынай судьуйата Иван Винокуров иһитиннэрдэ.