Олунньу 3-4 күннэригэр Бороҕоҥҥо оскуола оҕолоругар төрүт көрүҥнэргэ улуус бастакы чөмпүйэнээтэ ыытылынна. Манна улууспут 18 оскуолаларыттан 135 оҕо кэлэн кыттыыны ылла.
Бу туһунан саха төрүт көрүҥнэригэр улуус сүрүн тириэньэрэ Иван Иванов маннык кэпсээтэ: “Урукку өттүгэр улууспутугар маннык хабааннаах күрэхтэһии ыытылла илик. Онон элбэх оскуола, кыттааччы кэлбититтэн астынным. Сэҥээрэллэр, сайыннарыахха сөп эбит диэн түмүккэ кэлэн турабын. Мин “Модун” өрөспүүбүлүкэтээҕи саха төрүт көрүҥнэрин сайыннарар киин иһинэн үлэлиибин. Киин дириэктэрэ, биир дойдулаахпыт Геннадий Васильев улууспутугар бу көрүҥ сайдарыгар баҕалаах буолан филиал арыйан үлэлээн эрэбин. Үлэбин бу күһүҥҥэттэн саҕалаабытым.
Ханнык баҕарар көрүҥ күрэхтэһии баар буоллаҕына сайдар. Ол иһин бу күрэхтэһиини тэрийэр туһунан санаабын эппиппэр бары өйөөбүтттэрэ. Ол курдук улуус баһылыгын солбуйааччы Григорий Аргунов, спорт отделын салайааччыта Евгений Алексеев, үөрэх управлениетын начальнига Федор Татаринов, оҕо спортивнай оскуолатын дириэктэрэ Михаил Слепцов тута өйүүллэрин биллэрбиттэрэ. Аны тэрээһинигэр эмиэ улахан көмө баар буолла. Бастатан туран, улуус оскуолаларын физкультураҕа учууталлара сэҥээрэннэр бачча элбэх оҕону бэлэмнээн аҕалбыттара олус үчүгэй. Үөрэх управлениетын исписэлииһэ Василий Макаров, Мүрү 1№-дээх оскуолатын технологияҕа учуутала Митрофан Сивцев тэҥҥэ сылдьыһан тэрийистилэр. Аны тириэньэрдэр Иван Готовцев, Александр Румянцев, Петр Перевалов, Эрхан Жирков, Ким Бубякин, Семен Олесов (бары мас тардыһыыта), Мария Слепцова, Иннокентий Колодезников (иккиэн чэпчэки атлетика), Семен Петухов (тустуу, хапсаҕай) оҕолорун кытыннараннар төрүт көрүҥмүт сайдыытыгар кылааттарын киллэрсэллэр. Күрэхтэһии спорткомплекска буолла. Онно күүс-көмө буолбуттарыгар оҕо спортивнай оскуолатын үлэһиттэригэр махтанабын.
Бу күрэхтэһиигэ миэстэлэспиттэр кулун тутарга өрөспүүбүлүкэ чөмпүйэнээтигэр кыттыахтара. Күрэхтэһии бэрт тыҥааһыннаахтык ааста. Оскуолалар бэлэмнэммиттэрэ көстөр. Орду үчүгэйдик Мүрү 2№-дээх оскуолатын оҕолоро кытыннылар, түөрт чөмпүйүөннээхтэр уонна биир үрүҥ көмүс, биир боруонса мэтээли ыллылар. Суотту оскуолата икки кыһыл көмүс, биир үрүҥ көмүс, биир боруонса мэтээллээх барда. Уһун күөллэр биир кыһыл көмүс, икки үрүҥ көмүс мэтээллээхтэр. Баатаҕай, Тулуна, Кэптэни биирдии кыһыл көмүс мэтээли ыллылар. Мүрү 1№-дээх уонна Тиит Арыы оскуолалара биирдии үрүҥ көмүс мэтээли ылан бардылар. Чэриктэй уонна Мындааба оскуолалара иккилии үрүҥ көмүс, иккилии боруонса мэтээллээхтэр. Курбуһах уонна Танда биирдии боруонса мэтээли ылан бардылар”.
Күрэхтэһии биирдиилээн бастыыр иһин саастарынан араарыллан ыытылынна. Уус алданнар “Дыгын оонньууларыгар” сураҕырарбыт тирэҕэ ууруллан эрдэҕэ диэн эрэнэ саныаҕыҥ. Мантан аллараа күрэхтэһии түмүгүн билсиҥ:
Уолаттар: 2016-2017 с.т.
1 м. Игнат Сивцев (Мүрү 2№-дээх оскуолата)
2 м. Айтал Иванов (Мындааба оскуолата)
3 м. Эрчим Оконешников (Чэриктэй оскуолата)
2014-2015 с.т.
1 м. Айсен Бурцев (Суотту оскуолата)
2 м. Айастаан Олесов (Уһун Күөл оскуолата)
3 м. Айсен Иванов (Мындааба оскуолата)
2012-2013 с.т.
1 м. Айаал Борисов (Лөгөй оскуолата)
2 м. Айысхаан Бочкарев (Чэриктэй оскуолата)
3 м. Адам Кириллов (Мындааба оскуолата)
2010-2011 с.т
1 м. Албан Гоголев (Тулуна оскуолата)
2 м. Эрчим Турантаев (Тиит Арыы оскуолата)
3 м. Арыйаан Неймохов (Суотту оскуолата)
2008-2009 с.т.
1 м. Иван Голиков (Суотту оскуолата)
2 м. Андрей Сергеев (Суотту оскуолата)
3 м. Семен Дьячковскай (Танда оскуолата)
Кыргыттар: 2016-2017 с.т.
1 м. Майя Степанова (Баатаҕай оскуолата)
2 м. Арина Лукачевская (Чэриктэй оскуолата)
3 м. Уйгулаана Фомина (Найахы оскуолата)
2014-2015 с.т.
1 м. Тина Попова (Мүрү 2№-дээх оскуолата)
2 м. Сардаана сысолятина (Мүрү 2№-дээх оскуолата)
3 м. Намыына Васильева (Курбуһах оскуолата)
2012-2013 с.т.
1 м. Соня Алексеева (Уһун Күөл оскуолата)
2 м. Сахаайа Иванова (Мындааба оскуолата)
3 м. Дайаана Данилова (Мүрү 2№-дээх оскуолата)
2010-2011 с.т.
1 м. Ивалина Домотова (Мүрү 2№-дээх оскуолата)
2 м. Ира Сивцева (Мүрү 1№-дээх оскуолата)
3 м. Вика Салышева (Чэриктэй оскуолата)
2008-2009 с.т.
1 м. Саина Егорова (Мүрү 2№-дээх оскуолата(
2 м. Зя Охлопкова (Уһун Күөл оскуолата)
Афанасий СЕКТЯЕВ