Улуустааҕы Биир кэлим дьуһуурунай-диспетчерскэй сулууспа бүгүҥҥү, ыам ыйын 15 күнүнээҕи, 12 чаастааҕы сводкатынан Алдан өрүс мууһа Түүлээх уонна Чэриктэй Кириэс уонна Кыйбай арыыларынан уста турар.
Өлүөнэ өрүс мууһа билигин Покровскай аннынан хойуутук устар. Суотту нэһилиэгэр икки күнүнэн кэлэрэ күүтүллэр.
Убаастабыллаах Суотту, Өспөх, Чэриктэй, Түүлээх нэһилиэктэрин олохтоохторо!
Бу күннэргэ хаһааҥҥытааҕар даҕаны сэрэхтээх буолуу ирдэнэр!
• Сүөһүнү-сылгыны үрдүк сирдэргэ, эрдэ бэлэмнэммит күрүөлэргэ хаайыҥ.
• Сыаналаах малгытын үрдүк сирдэргэ көһөрүҥ, докумуоннаргытын бэйэҕитин кытта илдьэ сылдьыҥ.
• Уу ылар куттала суоһуур түгэнигэр суһаллык 101 эбэтэр 112 нүөмэрдэргэ эрийиҥ.
Улуустааҕы ыксаллаах быһыы-майгы хамыыһыйата