Балаҕан ыйын 25 күнүгэр “Өркөн” эбии үөрэхтээһин киинигэр оскуола иннинэ үөрэхтээһин үлэһиттэрин идэлээх күннэригэр аналлаах “Киэн туттабын үлэбинэн, бэриниилээхпин талбыт идэбэр” тэрээһин буолан ааста. Улуус бары нэһилиэктэриттэн иитээччилэр, оҕо уһуйаанын үлэһиттэрэ мустаннар бастаан утаа дьаарбаҥка тэрийдилэр: үлэһиттэр айылҕа маанылаабыт сирин аһыттан уонна оҕуруот үүнүүтүттэн заготовкалары, бэйэлэрэ оҥорбут, тикпит-баайбыт оҥоһуктарын атыыга таһаарбыттара.
11 чаастан саалаҕа бырааһынньык үөрүүлээх чааһа саҕаламмыта. Эҕэрдэ тыллары Уус Алдан улууһун баһылыгын солбуйааччы Григорий Аргунов, үөрэх салалтатын начальнигын солбуйааччы Михаил Пухов, үөрэх үлэһиттэрин профсоюһун улуустааҕы комитетын бэрэссэдээтэлэ Николай Готовцев эттилэр.
Арассыыйа үөрэҕириитин министиэристибэтиттэн “Үөрэҕирии туйгуна” анал бэлиэнэн Марфа Копырина (“Мичил” 19 №-дээх оҕо уһуйаанын иитээччитэ), Любомира Дегтярева (“Мүрүчээнэ” 3 №-дээх оҕо уһуйаанын иитээччитэ), “Арассыыйаҕа үөрэҕирии эйгэтин бочуоттаах үлэһитэ” анал аатынан Лидия Барашкова (Тумул оскуола иннинээҕи бөлөхтөрдөөх орто оскуолатын салайааччыта), Галина Заровняева (Хоноҕор оскуола иннинээҕи бөлөхтөрдөөх орто оскуолатын салайааччыта), Ольга Бурнашева (Ус-Күөллээҕи 10 №-дээх “Чуораанчык” оҕо уһуйаанын иитээччитэ), Анна Прибылых (Дүпсүннээҕи 8 №-дээх “Кэскил” оҕо уһуйаанын иитээччитэ), Алина Никифорова (Бороҕон сэлиэнньэтин 19 №-дээх “Мичил” оҕо уһуйаанын сэбиэдиссэйэ) наҕараадаланнылар.
“Саха Өрөспүүбүлүкэтин үөрэҕириитин бочуоттаах бэтэрээнэ” анал бэлиэнэн Анна Васильева (Уһун Күөллээҕи 33 №-дээх “Чуораанчык” оҕо уһуйаанын бэтэрээн-наставнига), “Оскуола иннинээҕи үөрэхтээһин сайдыытыгар кылаатын иһин” анал бэлиэнэн Галина Иванова (3 №-дээх “Мүрүчээнэ” оҕо уһуйаанын бэтэрээн-наставнига), Анна Макарова (19 №-дээх “Мичил” оҕо уһуйаанын старшай иитээччитэ), “Саха Өрөспүүбүлүкэтин үөрэҕирии ситимин туйгуна” анал бэлиэнэн Виктор Васильев (19 №-дээх “Мичил” оҕо уһуйаанына эти-хааны чэбдигирдэр инструктора), “Саха сирин эрэлэ” анал бэлиэнэн Евдокия Ефимова-Ушницкая (Уус Алдан улууһун үөрэҕирии салалтатын оскуола иннинээҕи үөрэхтээһин отделын начальнига), Саха Өрөспүүбүлүкэтин үөрэҕирии уонна наука министиэристибэтин бочуотунай грамоталарынан Лира Аргунова (Дүпсүннээҕи 8 №-дээх “Кэскил” оҕо уһуйаанын ас астааччыта), Варвара Васильева (Тулунатааҕы 30 №-дээх “Татыйык” оҕо уһуйаанын иитээччитэ), Марианна Стручкова (Дүпсүннээҕи 8 №-дээх “Кэскил” оҕо уһуйаанын иитээччитэ), Розалия Матвеева (Уһун-Күөллээҕи 33 №-дээх “Чуораанчык” оҕо уһуйаанын иитээччитэ), Саха Өрөспүүбүлүкэтин үөрэҕирии уонна наука министиэристибэтин Махтал суругунан Саргылана Федорова (Хоноҕор оскуола иннинээҕи бөлөхтөрдөөх орто оскуолатын иитээччитэ), Галина Куприянова (Уһун-Күөллээҕи 33 №-дээх “Чуораанчык” оҕо уһуйаанын иитээччитэ), Мария Чемезова (Дүпсүннээҕи 9 №-дээх “Сардаҥа” оҕо уһуйаанын сэбиэдиссэйин эбээһинэһин толорооччу), Айталина Аманатова (2 №-дээх “Мичээр” оҕо уһуйаанын музыкальнай салайааччыта), Лариса Кириллина (15 №-дээх “Кэскил” оҕо уһуйаанын иитээччитэ) наҕараадаланнылар.
Уус-Алдан улууһун үөрэҕирии үлэһиттэрин профсоюһун аатыттан Махтал суруктары Анастасия Бурцева (Сырдаах 27 №-дээх “Чуораанчык” оҕо уһуйаанын иитээччитэ), Анастасия Акакиева (Найахы нэһилиэгин 20 №-дээх “Чэчир” оҕо уһуйаанын иитээччитэ), Бочуотунай грамоталары Екатерина Олесова (Кэптэнитээҕи 11 №-дээх “Чэчир” оҕо уһуйаанын иитээччитэ), Любовь Тарабукина (Майаҕастааҕы 14 №-дээх “Чуораанчык” оҕо уһуйаанын иитээччитэ) туттулар. “Профсоюз хамсааһынын сайдыытыгар кылаатын иһин” бэлиэнэн Евдокия Портнягина (Саһылыкаан начаалынай оскуола-саад иитээччитэ), Татьяна Бурнашева (Ус-Күөллээҕи 10 №-дээх “Чуораанчык” оҕо уһуйаанын гигиеническай иитии инструктора наҕараадаланнылар.
2026-2027 үөрэх дьылыгар саҥа анаммыт салайааччыларга эппиэтинэстээх үлэлэригэр ситиһиини баҕаран туран: Татьяна Бурцеваҕа (17 №-дээх “Сардаана” оҕо уһуйаанын сэбиэдиссэйигэр), Ольга Ширяеваҕа (27 №-дээх “Чуораанчык” оҕо уһуйаанын сэбиэдиссэйин эбээһинэһин толорооччутугар), Нария Саввинаҕа (Тандатааҕы 28 №-дээх “Кэнчээри” оҕо уһуйаанын сэбиэдиссэйин эбээһинэһин толорооччутугар) эҕэрдэ суруктары туттардылар.
“Төрөппүт махталын ылбыт иитээччи” диэн анал ааттары уонна түөскэ иилиллэр бэлиэлэри Туяра Аммосова (2 №-дээх “Мичээр” оҕо уһуйаанын иитээччитэ), Ирина Окоемова (3 №-дээх “Мүрүчээнэ” оҕо уһуйаанын иитээччитэ), Лукерья Алексеева (Бээди 4 №-дээх “Туллукчаан” оҕо уһуйаанын иитээччитэ), Сардана Ядрихинская (Баатаҕайдааҕы 5 №-дээх “Күнчээн” оҕо уһуйаанын иитээччитэ), Алена Дегтярева (Бэйдиҥэтээҕи 6 №-дээх “Чэчир” оҕо уһуйаанын иитээччитэ), Ньургуйаана Васильева (Бээрийэ 7 №-дээх “Үрүччэ” оҕо уһуйаанын иитээччитэ), Любовь Прибылых (Дүпсүннээҕи 8 №-дээх “Кэскил” оҕо уһуйаанын иитээччитэ), Нюргуяна Ушницкая (Дүпсүннээҕи 9 №-дээх “Сардаҥа” оҕо уһуйаанын иитээччитэ), Ольга Бурнашева (Ус-Күөллээҕи 10 №-дээх “Чуораанчык” оҕо уһуйаанын иитээччитэ), Мария Сокорутова (Кэптэни 11 №-дээх “Чэчир” оҕо уһуйаанын иитээччитэ), Нюргуяна Портнягина (Мындаабатааҕы 12 №-дээх “Күнчээнэ” оҕо уһуйаанын иитээччитэ), Ирина Иванова (Мындаабатааҕы 13 №-дээх “Кэнчээри” оҕо уһуйаанын иитээччитэ), Элеонора Слепцова (Майаҕастааҕы 14 №-дээх “Чуораанчык” оҕо уһуйаанын иитээччитэ), Лариса Кириллина (15 №-дээх “Кэскил” оҕо уһуйаанын иитээччитэ), Елена Окоемова (17 №-дээх “Сардаана” оҕо уһуйаанын иитээччитэ), Людмила Дьячковская (19 №-дээх “Мичил” оҕо уһуйаанын иитээччитэ), Анастасия Акакиева (Найахы нэһилиэгин 20 №-дээх “Чэчир” оҕо уһуйаанын иитээччитэ), Уруйдаана Бурнашева (Окоемовка 22 №-дээх “Кэнчээри” оҕо уһуйаанын иитээччитэ), Валерия Тарская (Оҕуруоттаах 25 №-дээх “Кустук” оҕо уһуйаанын иитээччитэ), Вера Петрова (Сырдаах 27 №-дээх “Чуораанчык” оҕо уһуйаанын иитээччитэ), Оксана Бурнашева (Тандатааҕы 28 №-дээх “Кэнчээри” оҕо уһуйаанын иитээччитэ), Анфиса Тарабукина (Тиит-Арыы 29 №-дээх “Чуораанчык” оҕо уһуйаанын иитээччитэ), Варвара Васильева (Тулунатааҕы 30 №-дээх “Татыйык” оҕо уһуйаанын иитээччитэ), Татьяна Бережнева (Кылайы 32 №-дээх “Кэскил” оҕо уһуйаанын иитээччитэ), Саргылаана Копырина (Уһун-Күөллээҕи 33 №-дээх “Чуораанчык” оҕо уһуйаанын иитээччитэ), Ирина Гоголева (Хомустаах 34 №-дээх “Хомусчаан” оҕо уһуйаанын иитээччитэ), Интерна Румянцева (Чэриктэй 37 №-дээх “Эрэлчээнэ” оҕо уһуйаанын иитээччитэ), Татьяна Свинобоева (Чараҥ орто оскуолатын оскуола иннинээҕи бөлөҕүн иитээччитэ), Дарина Яценко (М.М. Стрекаловскай аатынан Өнөр орто оскуолатын оскуола иннинээҕи бөлөҕүн иитээччитэ), Надежда Федорова (Өспөх орто оскуолатын оскуола иннинээҕи бөлөҕүн иитээччитэ), Лена Алексеева (В.М. Прокопьев аатынан Тумул орто оскуолатын оскуола иннинээҕи бөлөҕүн иитээччитэ), Саргылана Федорова (С.С. Васильев аатынан Хоноҕор орто оскуолатын оскуола иннинээҕи бөлөҕүн иитээччитэ), Евдокия Портнягина (Саһылыкаан начаалынай оскуола-саад иитээччитэ), Евдокия Местникова (Балаҕаннаах начаалынай оскуола-саад иитээччитэ) туттулар.
2026-2027 үөрэх дьылыгар саҥа ананан кэлбит эдэр исписэлиистэри эмиэ эҕэрдэлээтилэр: Ольга Артемьеваҕа (Арыылаах 1 №-дээх “Кэнчээри” оҕо уһуйаанын иитээччитэ), Нарияна Винокуроваҕа (3 №-дээх “Мүрүчээнэ” оҕо уһуйааныгар үҥкүү салайааччыта), Петрусь Осиповка (Дүпсүннээҕи 9 №-дээх “Сардаҥа” оҕо уһуйаанын эти-хааны чэбдигирдэр инструктора), Аина Афанасьеваҕа (Мындаабатааҕы 12 №-дээх “Күнчээнэ” оҕо уһуйаанын иитээччитэ), Нюргуяна Лотоваҕа (Балаҕаннаах начаалынай оскуола-саад иитээччитэ) эҕэрдэ суруктары, сэмэй бэлэхтэри туттардылар.
Уус Алдан улууһун үөрэҕин салаатын оскуола иннинээҕи саастаах оҕо тэрилтэлэрин үлэһиттэригэр анаан таһаартарбыт “Бочуоттаах сэбиэдиссэй” диэн бочуоттаах бэлиэнэн бастакынан Дүпсүн нэһилиэгэр өр кэмҥэ таһаарыылаахтык оскуола иннинээҕи саастаах үөрэхтээһини салайан кэлбит, “Кэскил”, “Сардаҥа” оҕо тэрилтэлэри айымньылаахтык салайбыт Галина Бочкареваны наҕараадалаан туран бочуоттаах сынньалаҥҥа атаардылар.
2004 сылтан балаҕан ыйын 27 күнүн “иитээччи күнэ” диэн көннөрү бэлиэтии сылдьыбыт буоллахтарына, 2016 сылтан Арассыыйа үөрэҕириитин министиэристибэтин дьаһалынан чопчу бигэргэммитэ. Сылтан сыл иитээччигэ болҕомто ууруу үлэтэ күүһүрэн испитэ, быйыл улууспутугар эмиэ үрдүк таһымҥа иитээччи, оскуола иннинээҕи оҕо үөрэҕириитин үлэһиттэрин чиэстээбиттэрэ – хайҕаллаах.
Анатолий Кириллин