Норуодунай бэйиэт Иван Мигалкин төрөөбүтэ 70 сылынан бүгүн кини сырдык аатын үйэтитэр тэрээһиҥҥэ Чараҥнааҕы Кулантай аатынан литературнай мусуой аанын тэлэччи арыйда.
Талба талааннаах суруйааччыбыт Иван Васильевич кэргэнинээн Зоя Васильевналыын төрүттээбит баай историялаах мусуойдарыгар улууспут бары нэһилиэктэриттэн оҕотуттан аҕа саастаах дьоҥҥо диэри тоҕуоруһа муһуннулар. Кэлбит дьону мусуой дириэктэрэ Клара Крылова мусуой устун экскурсиялатан кэпсээтэ, Иван Мигалкин айар үлэтин кэпсиир быыстапканы билиһиннэрдэ.
Иван Васильевич коллекционердары олус интэриэһиргиирэ, көҕүлүүрэ, өйүүрэ, бэйэтэ эмиэ коллекционер быһыытынан тугу-тугу муспатаҕай? Онон бүгүн кини Чараҥҥа түмпүт түмсүүтүн коллекционердарын быыстапката турда. Быыстапканы түмсүү чилиэнэ Клара Бурцева олус интэриэһинэйдик умсугута билининнэрдэ.
Мария АРГУНОВА