СӨ норуодунай поэта Мигалкин Иван Васильевич 70 сааһыгар аналлаах улуус үөрэнээччилэригэр аһаҕас уруок поэт үөрэммит Мүрү 1 нүөмэрдээх орто оскуолатыгар ыытылынна.
Уруок модераторынан поэт быраата Алексей Мигалкин үлэлээтэ. Уруокка кыттыыны ылан улуус баһылыгын солбуйааччы Анатолий Сторожев, үөрэх начаалынньыгын солбуйааччы Иван Никонов, поэт быраата Афанасий Мигалкин тыл эттилэр.
Кулантай аатынан литературнай түмэл оҥорбут Иван Мигалкин олоҕун, айар үлэтин кэпсиир видеоролигын улуус үөрэнээччилэрэ көрдүлэр. 10 «а» кылаас үөрэнээччилэрэ поэкка аналлаах уус уран монтааҺы ааҕан иһитиннэрдилэр.
Уруогу оскуола директора Петр Баханов түмүктээтэ, үөрэнээччилэргэ улуус киэн туттар киһитин олоҕун үөрэтэн тус холобур оҥостон үүнэллэригэр, сайдалларыгар баҕарда.
Елена Сыроватская, уопсас. кэрэсп.