Ыам ыйын 12 күнүгэр Мындааба сынньалаҥ киинигэр Улуу Кыайыы 81 сылыгар аналлаах Мүрү оскуолаларын үөрэнээччилэригэр фронтовик-поэттар хоһоонноругар » От имени жизни, от имени сердца» уус-уран ааҕыы күрэһэ ыытылынна. Күрэскэ 52 оҕо кытынна.
Күрэс аһыллыытыгар Мындааба оскуолатын 10-с кылааһын үөрэнээччитэ Уйгулаана Крылова уостан түспэт «Синий платочек» ырыанан кыттааччылары, учууталлары, төрөппүттэри эҕэрдэлээтэ. Дьүүллүүр сүбэҕэ олохтоох библиотекарь Наталья Портнягина – председатель, Мүрү нэһилиэгин бочуоттаах олохтооҕо Екатерина Неустроева, Мындааба оскуолатын библиотекарь-педагога Мария Березкина үлэлээтилэр.
Үс бөлөҕүнэн (1-4 кыл., 5-8 кыл.,9-11 кыл.) ыытылллыбыт күрэскэ бастакы бөлөххө 1-кы миэстэни Мүрү 2-с №-дээх орто оскуолатыттан 2-с кылаас үөрэнээччитэ Анжела Баишева (салайааччы У.Е. Стрекаловская); 2-с миэстэни Мүрү 1-кы №-дээх орто оскуолатыттан 3-с кылаас үөрэнээччитэ Давид Бурнашев (салайааччылар Е.С. Парникова, Е.И. Атласова); 3-с миэстэни Мындааба спортивнай хайысхалаах орто оскуолатыттан 4-с кылаас үөрэнээччитэ Амелия Готовцева (салайааччы Г.С. Бурнашева) ыллылар; иккис бөлөххө Мүрү 2-с №-дээх орто оскуолатыттан 6-с кылаас үөрэнээччитэ Карина Алексеева (салайааччы С.В. Бурцева) бастаата; Мүрүтээҕи уолаттар гимназияларыттан 8-с кылаас гимназиһа Айаан Копырин (салайааччы С.Н. Сыроватская) иккис буолла, Мүрү 2-с №-дээх орто оскуолатыттан5 «б» кылаас үөрэнээччитэ Аделина Афанасьева (салайааччы С.В. Бурцева) үһүс миэстэни ылла; үһүс бөлөххө 1-кы миэстэ – Мүрүтээҕи уолаттар гимназияларыттан 9-с кылаас гимназиһа Айхал Саввин (салайааччы С.Н. Сыроватская); 2-с миэстэ – Мындааба спортивнай хайысхалаах орто оскуолатыттан 11-с кылаас үөрэнээччитэ Эрчим Румянцев (салайааччы Р.Е. Неустроева); 3-с миэстэ – Мындааба спортивнай хайысхалаах орто оскуолатыттан 10-с кылаас үөрэнээччитэ Сахалина Сивцева (салайааччы Р.Е. Неустроева).
Хоһоону уус-уран ааҕыы күрэһигэр анал аатынан бэлиэтэннилэр:
- «Саамай кыра толорооччу» – Күннэй Лиханди (1-кы кыл., Мүрү 2-с №-дээх орто оскуолата, салайааччы Н.И. Готовцева);
- «Иэйиилээх толоруу иһин» – Сардаана Егорова (3-с кыл., Мындааба оскуолата, салайааччы А.А. Слепцова);
- »Артыыстаан толоруу» – Ларион Ларионов (4-с кыл., Мүрү 1-кы №-дээх оскуолата, салайааччылар Е.Д. Васильева, Е. С. Парникова).
Кыайыылаахтар уонна анал ааты ылбыттар грамоталарынан уонна сертификаттарынан наҕараадаланнылар.
Улуу Кыайыы 81 сылыгар аналлаах фронтовик-поэттар хоһооннорун уус-уран ааҕыы күрэһигэр кыттыбыт үөрэнээччилэргэ, оҕолору бэлэмнээбит салайааччыларга махталбытын тиэрдэбит.
Матрена Готовцева, Мындааба сынньалаҥ киинин уус-уран салайааччыта