Бүтэһик чуораан күнүгэр Мүрү 1 нүөмэрдээх орто оскуолатын 11 «а» кылааһыгар (кылаас салайааччыта Л.В. Бурцева) үөрүүлээх түмүк кылаас чааһа кинигэ лиистэрин арыйан ааҕар кэриэтэ ыытылынна.
Кылаас 19 оҕото, учууталлар, төрөппүттэр кытыннылар. Биир сонун түгэнинэн кылаас салайааччыта Люция Васильевна хас биирдии үөрэнээччитин кыра оҕо сааһыттан саҕалаан инники үлэлэрин саҥа технология көмөтүнэн оҥорон билиһиннэриитэ сэргэхсийиини таһаарда, оҕолоругар толкуйдаан бэлэмнээбит ураты бэлэҕин туттарда.
Маҥнайгы учууталлара А.Н. Колесова, Е.С. Парникова эҕэрдэ тыллара долгутуулаах буолла. Оскуола дириэктэрэ Петр Баханов, завуч Анна Артамонова, учууталлар Матрена Местникова, Марианна Никифорова, Алена Заболоцкая, Федора Бурнашева, Дианна Гаврильева эҕэрдэлээн тыл эттилэр.
Кылаас чааһын кинигэтин төрдүс баһа төрөппүттэргэ ананна. Кылаас чааһа олус интэриэһинэйдик, умнуллубаттык ааста. Оҕолорго ситиҺиилэри баҕаран тарҕастыбыт.
Елена Сыроватская, уопсас. кэрэсп.