2019 сыл алтынньы 2 күнүгэр Элеонора уонна Александр Троевтарга үһүс күүтүүлээх оҕо төрөөбүтэ. Кырачааны аҕатын аатынан Александр диэн сүрэхтээбиттэрэ. Саша күнтэн-күн улаатан, дьиэ кэргэн сүрэҕин чопчута, үөрүүтэ буолбута. Ол эрээри, биэс ыйыгар эмискэ кыраадыстанан, этэ-сиинэ тартаран, дьонун куттаабыта. Хамсык кэмэ буолан, чинчийиини ааһыахтааҕар дьуһуурунай неврологка да киирэр уустуга. Икки ыйынан Мэдиссиинэ киинигэр күүтүүлээх уочараттарын кэтэһэн, толору чинчийии түмүгэр “гениализированнай эпилепсия” диэн диагноз туруоруллубута. Ол эбэтэр мэйии үлэтигэр тахсар кэһиллии киһи саҥарар, хамсанар, толкуйдуур дьоҕуругар охсор. Дьиэ кэргэн дьоллоох олоҕор хараҥа былыттар сыбыытаабыттара. Тугу кистэниллиэй, билиҥҥи кэмҥэ эпилепсиялаах киһи олус элбэх. Олор истэригэр толору олоҕу олорор дьон эмиэ бааллар. Ол эрээри, кырачаан Саша хамсык дьайыытыттан дуу, иһэр эмиттэн дуу, ис туруга олус мөлтөх.
Саша билигин биэс саастаах. Бу күһүн Дьокуускай “Мичээр” уһуйааныгар бэлэмнэнии бөлөҕөр киириэхтээх. Ыам ыйыттан саҕалаан уолчаан ыарыытын тииһигэ чаастатыйан, балыыһаттан арахпакка сылдьаллар. Онон төрөппүттэр араас үүтү-хайаҕаһы көрдөөбүттэр. Кореяҕа баран эмтэнэн кэлбит дьону кытта билсэн, кинилэр түмүктэрин көрөн, “Корея-Медтур” хампаанньаҕа эрийэн билсибиттэр. Биллэрин курдук, Кореяҕа мэдиссиинэ таһыма үрдүк. Саша курдук диагнозтаах оҕолор эпэрээссийэлэнэн, этэҥҥэ буолалларын туһунан истэн, төрөппүттэр ити хайысханы тутуһарга бигэтик быһаарынан, атырдьах ыйын 26 күнүгэр Кореяттан ыҥырыы кэлэн, сырдыкка ыралаах көтөөрү олороллор.
Тас дойдуга эмтэнии хаһан да чэпчэки буолбатаҕа. Эпэрээссийэ оҥоһуллубат да түгэнигэр эмчиттэр ыарыыны намыратарга, бохсорго тоҕоостоох атын суоллары көрдүүллэр. Туох да хамсаныыны оҥорбот түгэҥҥэ ыарыы хайдах сайдарын, туох түмүк күүтэрин туһунан төрөппүттэргэ өйдөтүү, сэрэтии үлэтэ ыытыллыбыт. Онон Троевтар уһун болдьоххо суоттаналлар, уустук суолу ааһарга бэлэмнэр. Билиҥҥи барыллааһынынан, эпэрээссийэҕэ кырата 1 700 000 солк. ирдэнэр. Уһуур, эмтэниилэрэ уларыйар түгэнигэр харчы суумата халбаҥныыр кыахтаах. Троевтарга харчы хомуйуута саҕаламмыта биир нэдиэлэ буолла. Элеоноралаах Александр аймахтара, бииргэ үөрэммит, алтыһар доҕотторо, кэллиэгэлэрэ төһө эмэни көмөлөспүттэрин үрдүнэн туһааннаах суума ситэ илик. Онуоха Уус Алдаҥҥа үлэлиир “Родная опора” пуонда дириэктэрэ Юрий Юрьевич Габышев этии көтөҕөн, пуонда нөҥүө харчы хомуллуон сөбүн туһунан этии көтөхпүт. Кыһалҕалаах дьоҥҥо ол куйааска сөрүүн ууну испиккэ тэҥнээх.
Төрөппүккэ оҕо доруобай сылдьарын, күнтэн, олохтон үөрэрин, оҕо тэҥэ сайдарын тэҥэ дьол суох. Күндү биир дойдулаахтарбыт, кырачаан олоҕу быыһыырга, дьиэ кэргэн уйгутун тутарга күүс көмө буолуоҕуҥ! Бүгүн биир табаҕы дуу, утаҕы дуу ылартан аккаастанан, кыра да буоллар көмөҕүн уган, дьоҥҥо тыынна биэр, эрэли сах!
Көмөнү «Родная опора» сайтын нөҥүө ыытар сигэ: https://rodnaya-opora.ru/payment/3/
Саша Троевка харчынан көмө реквизиттэрэ:
Название организации
БФ «РОДНАЯ ОПОРА»
Номер счёта 40703810576710000110
ИНН 1400048859
КПП 140001001
ОГРН 1251400006110
Наименование банка ЯКУТСКОЕ ОТДЕЛЕНИЕ N8603 ПАО СБЕРБАНК
Корсчёт банка 30101810400000000609
ИНН банка 7707083893
КПП банка 143502001
БИК банка 049805609