Бүгүн С.С. Васильев-Борогонскай аатынан улуустааҕы киин библиотекаҕа Улуу Кыайыы 81 сылын көрсө “Чиэс, албан аат – үйэлэргэ” быыстапка үөрүүлээх быһыыга-майгыга аһылынна.
Быыстапка арыллыыта Уус Алдан улууһун ветераннарын Сэбиэтин председателэ Иван Колодезников эҕэрдэ тылынан саҕаланна.
Салгыы ааҕааччыны кытта үлэлиир отдел библиотекара Татьяна Бурцева быыстапканы билиһиннэрдэ. Аҕа дойду сэриитигэр уонна тыылга биир дойдулаахтарбыт кыттыыларын, үйэтитэр үлэлэр туһунан сырдатта. Электроннай библиотека отделын сэбиэдиссэйэ Роза Колодезникова “Бессмертный полк”, “Бессмертный материнский подвиг” сайт, Аҕа дойду сэриитигэр аналлаах сигэлэр тустарынан көрдөрдө, сырдатта.
Улуустааҕы киин библиотека иһитиннэриитэ