Бүгүҥҥүттэн улуус киинигэр Бороҕоҥҥо Мүрү нэһилиэгин тэрилтэлэрин, идэлээх сойуустарын икки ардыларыгар уус-уран самодеятельность “Уруйдуубут Улуу Кыайыыны” кэнсиэр-фестивала саҕаланар.
Муус устар 24 күнүгэр диэри хас күн ахсын (субуотаттан, баскыһыанньаттан ураты) киэһэ 19.00 чаастан В.В, Никифоров – Күлүмнүүр аатынан “Тойон Мүрү” култуура дыбарыаһыгар Мүрү нэһилиэгин үлэһит дьонуттан аттарыллыбыт хамаандалар кэнсиэрдиэхтэрэ.
Фестивалы бүгүн “Культура” хамаанда саҕалыыр, онно култуура управлениетын, библиотека, “Тойон Мүрү” КД, “Мындааба” СК, Уус Алданнааҕы история-кыраайы үөрэтии музейын, “Мүрү саһарҕата” редакция уонна “Саха” НКИХ Уус Алданнааҕы филиалын үлэһиттэрэ кэнсиэрдиэхтэрэ.
Муус устар 18 күнүгэр “Мүрү-Ас” тэрилтэ, ветуправление, лесхоз, “СӨ ДьУоКХ” ГУТ Уус Алданнааҕы филиалын, “Коммунтеплоспыт”, Бороҕоннооҕу РЭС, Энергосбыт үлэһиттэрин “Патриот” хамаандатын кэнсиэрэ буолуоҕа.
Муус устар 21 күнүгэр Ис дьыала отделын, прокуратура, нолуок инспекциятын, мировой, оройуоннааҕы сууттар, судприставтар сулууспаларын, баһаарынай чаас, ЫБМ сулууспатын, Роспотребнадзор үлэһиттэрин “Сулус” хамаандата кэнсиэрдиэ.
Муус устар 22 күнүгэр Мүрү нэһилиэгин урбаанньыттара, “Сбер”, “Россельхозбаан”, “Мин бизнеһим”, “Мин Докумуоннарым”, нэһилиэнньэ дьаркытаах буолуутун кииннэрин, почта уонна “Ростелеком” филиалын үлэһиттэрэ “Дьулуур” хамаанда буолан ыллыахтара-туойуохтара, үҥкүүлүөхтэрэ.
Муус устар 23 күнүгэр 17.00 чаастан судаарыстыбаннай муниципальнай тэрилтэлэр (улуус, нэһилиэк дьаһалталара), дьиэ кргэттэргэ элбэх өҥөнү оҥорор киин, сокуоннай саастарын ситэ илк оҕолорго социальнай-реабилитациялыыр киин “Эрэл” хамаандалара; 19.00 чаастан үөрэх тэрилтэлэриттэн Мүрүтээҕи уолаттар гимназияларын, Мүрү 1-гы №-дээх орто оскуолатын, Мүрү 2-с №-дээх орто оскуолатын уонна Мындааба орто оскуолатын “Триумф” хамаанда буолан кэнсиэрдэрин бэлэхтиэхтэрэ.
Муус устар 24 күнүгэр 17.00 чаастан улуус киин балыыһатын, гигиена уонна эпидемиология киинин үлэһиттэрэ “Эмчит” хамаанданы, 19.00 чаастан оҕо саадтара уонна эбии үөрэхтээһин тэрилтэлэрэ “Виктория” хамаанданы тэринэн кэнсиэрдиэхтэрэ.
Түмүктүүр гала-кэнсиэр муус устар 25 күнүгэр 19.00 чаастан буолуоҕа.