Мүрү нэһилиэгэр Үһүс саас оскуолатын иһинэн «Кустук» уруһуй куруһуогар хаһан да киистэни туппатах дьон билигин кэрэ бэйэлээх хартыыналары уруһуйдаан айан-тутан таһаараллар.
2012 сылтан Сусанна Аммосова волонтер педагог быһыытынан «Кустук» изостудия үлэтин саҕалаабыта. Куруһуокка 10 аҕам саастаах ийэлэр, эбээлэр мустан үлэлэрин саҕалаабыттара.
Куруһуок старостата Мария Колодезникова салгыы бу курдук билиһиннэрэр: «Куруһуокка дьарыктаммыт дьон балай да дьоһун ситиһиилэрдэннибит. Билигин салайааччыбыт Бороҕоннооҕу оҕо ускуустубатын оскуолатыгар үлэлиир Светлана Мухина буолар. Быйыл 11-с сылбытыгар эмиэ уонча буолан дьарыкпытын саҕалаатыбыт».
Мария Аргунова