А.Р. Халдеева аатынан Бороҕон нэһилиэгин библиотекатыгар Оскуола библиотекаларын норуоттар икки ардыларынааҕы күннэрин чэрчитинэн анал тэрээһин алтынньы 24 күнүгэр ыытылынна.
Тумул орто оскуолатын үөрэнээччилэрэ «Оскуола библиотекатыгар оҕо кинигэтин бэлэхтээ” диэн акцияҕа кытыннылар,
«Редкая или любимая книга в моей домашней библиотеке» диэн ааттаах кинигэ быыстапката, оскуола библиотекатын анал күнүн туһунан 5-8 кылаас үөрэнээччилэригэр анал бэсиэдэ ыытылынна. Тэрээһини оскуола педагог-библиотекара Сардаана Стрекаловская, олохтоох модельнай библиотека сэбиэдиссэйэ Светлана Прудецкая сүрүннээтилэр.
Тэрээһиҥҥэ ааҕыыны көҕүлээн, Россия, омук дойдуларын саамай улахан, бастыҥ библиотекаларын сырдатар медиа презентация көрдөрүлүннэ, үөрэнээччилэр библиотекарь идэтин үлэтин туһунан элбэҕи кэрэхсээн иһиттилэр, биллилэр.
Елена Иванова, Тумул орто оскуолатын тэрийээччи педагога