Кэптэнигэ Герой ийэлэргэ анаан «Ийэ скверин» сөргүтүүгэ баһылыгы солбуйааччы Сардаана Чирикова көҕүлээһининэн «Кэрэли» түмсүү кырааскалаан, беседка үрдүн саптаран үлэни саҕалаабыттара.
«Оҕуруотчуттар» түмсүүнү салайар Надежда Бурнашева көҕүлээһининэн ханнык баҕар матырыйаалтан сибэкки иһитин оҥоруу күрэһэ биллэриллибитэ.
Дьэ кэргэн күнүгэр сөп түбэһиннэрэн сквери сибэккинэн симээбит дьоммутугар махтал суруктары, сибэкки иһитин куонкуруһун кыайыылаахтарга дьаһалта аатыттан бэлэхтэри баһылыгы солбуйааччы Сардаана Чирикова туттарда.
- 1-кы м. – скамейкалаах сибэкки иһитин оҥорбут Галина Кривогорницына. Бирииһэ – 50 л ГСМ.
- 2-с м. – чороон быһыылаах сибэкки иһитин оҥорбут Афанасий Олесов (30 л ГСМ).
- 3-с м. – үстүү секциялаах икки сибэкки иһитин оҥорбут Иван Бурнашев (20 л ГСМ).
Ону таһынан сквергэ Александра Павлова, Ульяна, Анна Лугиновалар, Мария Александрова икки тугутчаан сибэкки иһитин бэлэх ууннулар.
Бука барыгытыгар дьаһалта уонна тэрийээччилэр ааттарыттан улахан махталбытын тиэрдэбит.
Екатерина Мигалкина, уопсас. кэрэсп.