Улуустааҕы киин балыыһа эмтиир салаатын нөҥүө Анал байыаннай дьайыы кыттыылаахтара уонна кинилэр дьиэ кэргэттэрэ – оҕолоро уонна төрөппүттэрэ – «Күөх көрүдүөр» бырагырааманан мэдиссиинэ көрүүтүнэн туһаналлар. Ону тэҥэ Өрөспүүбүлүкэтээҕи мэдиссиинэ киинигэр быраас туһаайыытынан доруобуйаларын көрдөрүнүөхтэрин сөп. Бу бырагыраама мэдиссиинэ өҥөтүн түргэнник уонна табыгастаахтык ыларга көмөлөһөр.
Биһиги Мэҥэ Хаҥалас улууһун Бэстээҕин «Абалаах» санаторийыгар, Дьокуускайга Рихард Зорге аатынан уулуссаҕа баар социальнай-реабилитационнай кииҥҥэ уонна Өрөспүүбүлүкэтээҕи успуорт мэдиссиинэтин киинигэр чөлүгэр түһэриигэ ыытабыт. Кинилэр доруобуйаларын толору чөлүгэр түһэриигэ, ыарыыны эбэтэр эчэйиини аһардалларыгар улахан болҕомтобутун уурабыт.
Биһиги Анал байыаннай дьайыы кыттыылаахтара уонна кинилэр дьиэ кэргэттэрэ ураты болҕомтоҕо наадыйалларын толору өйдүүбүт.
«Күөх көрүдүөр» бырагыраама чөлүгэр түһэрэр кыаҕа — бу биһиги кинилэр доруобуйаларыгар уонна этэҥҥэ буолууларыгар киллэрэр көмөбүт буолар. Улуус эмчиттэрэ кинилэр харысхаллаах уонна болҕомтоҕо сылдьалларын курдук барытын оҥорорго дьулуһабыт.
Сахаяна ВАСИЛЬЕВА, улуус киин балыыһатын кылаабынай бырааһын солбуйааччы