Е.Ф. Габышев аатынан Оҕо спортивнай оскуолатын «Энергия» аэробикаҕа хамаандата (сал. Туяра Ларионова) кулун тутар 29 күнүгэр Дьокуускайга ХИФУ Естественнай наука факультеттарын корпуһун (КФЕН) спортивнай саалатыгар буолбут сылын аайы ыытыллар фитнес-аэробика Республика күрэһигэр ситиhиилээхтик кытыннылар.
«Энергия» үҥкүүһүттэрэ – барыта 22 оҕо үс бөлөххө барытыгар кыттыннылар: «Мини-кадеты» кыра бөлөххө алта оҕо, «Кадеты» орто бөлөххө аҕыс оҕо, «Юниоры» улахан бөлөххө аҕыс оҕо кыттан, өрөспүүбүлүкэ үрдүнэн үс бөлөххө үһүөннэригэр чөмпүйүөн үрдүк аатын ыллылар.
«Ньурба, Бүлүү, Үөhээ Бүлүү, Горнай, Хаҥалас, Мэҥэ Хаҥалас, куораттан хастыы да хамаанда уонна биhиги кытынныбыт. Бастыыр иhин күүстээхтик эрдэттэн бэлэмнэнэн, хас биирдии бөлөхпөр саҥалыы аэробика хамсаныыларын, уустук элеменнарын үөрэтэн, оҕолорум кыайыыга дьулуурдаах, тулуурдаах буоланнар, үс бөлөҕүм үhүөн чөмпүйүөн үрдүк аатын сүктүлэр. Оҕолор сайдалларын туhугар үлэлэhэр, куруук күүс-көмө, өйөбүл буолар күндү төрөппүттэрбэр махтанабын», – диэн Туяра Лаврентьевна үөрүүтүн үллэһиннэ.
Мария АРГУНОВА