Улууспут олоҕор-дьаһаҕар улахан суолталаах быыбар түмүктэннэ.
Балаҕан ыйын 14 күнүгэр Россия үрдүнэн биллэриллибит биир кэлим быыбар күнүгэр улууспут баһылыгын, Дүпсүҥҥэ уонна II Байаҕантайга нэһилиэктэр баһылыктара, Найахытааҕы быыбардыыр уокурукка улуус депутаата талылыннылар.
Ол курдук Уус Алдан улууһун аҕа баһылыгынан Василий Алексеев, Дүпсүн нэһилиэгин баһылыгынан Николай Сивцев, II Байаҕантай нэһилиэгин баһылыгынан Андрей Егоров, Найахытааҕы быыбардыыр уокурукка улуус депутатынан Петр Сивцев буоллулар.