Бүгүн, атырдьах ыйын 27 күнүгэр, Саранск куоракка боксаҕа Россия чемпионата саҕаланна. Турнирга дойду 62 регионуттан 312 саамай күүстээх боксер сүүмэрдэнэн, 48 кг (16 боксер), 51 кг (18), 54 кг (24), 57 кг (26), 60 кг (28), 63,5 кг (31), 67 кг (31), 71 кг (28), 75 кг (24), 80 кг (26), 86 кг (21), 92 кг (27), 92+ кг (24) бастыҥнар быһаарыллыахтара.
Кинилэр ортолоругар Уус Алдан улууһуттан төрүттээх икки уолбут – Павел Васильев 48 кг ыйааһыҥҥа уонна Тимур Стручков 54 кг ыйааһыҥҥа киирсиэхтэрэ. Уолаттар бастакы тренердэрэ – Илья Иванов. Оттон Саха Өрөспүүбүлүкэтин сүүмэрдэммит хамаандатыгар 12 боксер киирдэ.
Бүгүҥҥүттэн балаҕан ыйын 2 кһүнүгэр диэри барыллаан киирсиилэр саҕаланнылар, балаҕан ыйын 3 күнүгэр – финал аҥаарынааҕы уонна балаҕан ыйын 4 күнүгэр финал киирсиилэрэ буолуохтара.
Турнир бирииһин фондата 26 мөл. солкуобай, онуоха чемпионнарга – 1,5 мөл. солк., үрүҥ көмүс призердарга – 250 тыһ. солк., боруонса призердарга – по 125 тыһ. солк. туттарыахтара.
Чемпионат трансляцияларын «Матч ТВ» уонна «Матч! Боец» ханаалларга уонна matchtv.ru, sportbox.ru официальнай сайтарга, Россия боксаҕа Федерациятын сайтыгар https://rusboxing.ru, Вконтакте бөлөҕөр https://vk.ru/rusboxing онлайн көрдөрөллөр.
Уолаттарбытыгар ситиһиилэри!