ГлавноеЖизнь в районахИнтересноеЛента дняНовостиОбществоПолитика

Быыбар биир кэлим күнүгэр кыттар кандидаттар үгүстэрэ билиннэ

Мүрү саһарҕата

Быйыл балаҕан ыйын 14 күнүгэр, өрөбүл күн улууспутугар Уус Алдан улууһун баһылыгын болдьоҕун иннинэ, Дүпсүн, 2-с Байаҕантай нэһилиэктэрин баһылыктарын итиэннэ Найахы нэһилиэгэр оройуон Сэбиэтин депутатын уонна Дүпсүн нэһилиэгин бэрэстэбиитэллээх органын икки уокуругар депутаттары талыы быыбарыгар кыттар кандидакка докумуоннарын туттарар бүтэһик күннэрэ бэҕэһээ, атырдьах ыйын 4 күнүгэр, буолла.

Бу туһунан сиһилии Уус Алданнааҕы территориальнай быыбар хамыыһыйатын бэрэссэдээтэлэ Александра АЯНИТОВА иһитиннэрдэ:

– Улуус баһылыгын дуоһунаһыгар быыбарга кыттарга барыта сэттэ киһи докумуонун туттарбыта, бүгүҥҥү туругунан кинилэртэн үс киһи бэрэбиэркэни ааһан, кандидатынан регистрацияламмыта, түөрт киһи докумуона бэрэбиэркэҕэ сылдьар.

Докумуон туттарбыттар:

  1. АЛЕКСЕЕВ Анатолий Анатольевич, 1992 с. төрүөх, СӨ Уус Алдан улууһун Бороҕон с. олохтооҕо, үрдүк үөрэхтээх, Уус Алдан улууһун баһылыгын солбуйааччы, партията суох, бэйэ туруорунуута.
  2. АЛЕКСЕЕВ Василий Петрович, 1963 с. төрүөх, СӨ Уус Алдан улууһун Тумул бөһ. олохтооҕо, орто анал үөрэхтээх, Уус Алдан улууһун Бороҕон нэһилиэгин баһылыга, “Биир ньыгыл Россия” партия чилиэнэ, бэйэ туруорунуута.
  3. АММОСОВ Василий Иванович, 1968 с. төрүөх, СӨ Уус Алдан улууһун Бороҕон с. олохтооҕо, үрдүк үөрэхтээх, Уус Алдан улууһун дьаһалтатын капитальнай тутууга уонна архитектураҕа управлениетын начаалынньыгын солбуйааччы, “Биир ньыгыл Россия” партия чилиэнэ, бэйэ туруорунуута.
  4. АРЖАКОВ Николай Иванович, 1977 с. төрүөх, СӨ Дьокуускай к. олохтооҕо, үрдүк үөрэхтээх, тус предприниматель, партията суох, “Новые люди” политическай партия СӨ регионнааҕы салаатынан туруорулунна.
  5. КАЛИНИНСКАЙ Роман Гаврильевич, 1972 с. төрүөх, үрдүк үөрэхтээх, СӨ Дьокуускай к. олохтооҕо, “Служба по работе с безнадзорными животными” ХЭТ ген. дириэктэрэ, партията суох, бэйэ туруорунуута.
  6. МАКСИМОВ Владимир Юрьевич, 1968 с. төрүөх, орто үөрэхтээх, СӨ Дьокуускай к. олохтооҕо, пенсионер, үлэтэ суох, партията суох, бэйэ туруорунуута.
  7. ПАВЛОВ Евгений Васильевич, 1968 с.төрүөх, үрдүк үөрэхтээх, СӨ Уус Алдан улууһун Бороҕон с. олохтооҕо, “СпецСервис” ХЭТ директора, партията суох, бэйэ туруорунуута.

Кандидатынан регистрацияламмыттар:

  1. АММОСОВ Василий Иванович.
  2. КАЛИНИНСКАЙ Роман Гаврильевич.
  3. МАКСИМОВ Владимир Юрьевич.

Дүпсүн уонна 2-с Байаҕантай нэһилиэгин баһылыктарын дуоһунастарыгар быыбарга кыттарга иккилии киһи докумуоннарын туттардылар уонна бары кандидат быһыытынан регистрацияланнылар.

  • Дүпсүн нэһилиэгин баһылыгын дуоһунаһыгар кандидаттар:
  1. ПРИБЫЛЫХ Сахаяна Ивановна, 1976 с. төрүөх, үрдүк үөрэхтээх, Уус Алдан улууһун Дүпсүн с. олохтооҕо, Дүпсүн нэһилиэгин дьаһалтатын кылаабынай специалиһа, партията суох, бэйэ туруорунуута.
  2. СИВЦЕВ Николай Николаевич, 1974 с. төрүөх, үрдүк үөрэхтээх, Уус Алдан улууһун Бороҕон с. олохтооҕо, Дүпсүн нэһилиэгин баһылыга, “Биир ньыгыл Россия” партия чилиэнэ, “Биир ньыгыл Россия” партия Уус Алданнааҕы салаатынан туруорулунна.
  • 2-с Байаҕантай нэһилиэгин баһылыгын дуоһунаһыгар кандидаттар:
  1. ЕГОРОВ Андрей Васильевич, 1982 с.т., үрдүк үөрэхтээх, Уус Алдан улууһун Тиит Арыы бөһ. олохтооҕо, 2-с Байаҕантай нэһилиэгин баһылыга, “Биир ньыгыл Россия” партия чилиэнэ, “Биир ньыгыл Россия” партия Уус Алданнааҕы салаатынан туруорулунна.
  2. ТАРАБУКИН Иннокентий Константинович, 1996 с. төрүөх, үрдүк үөрэхтээх, Уус Алдан улууһун Тиит Арыы бөһ. олохтооҕо, СӨ ДьУоКХ Уус Алданнааҕы филиалын котельнайын машиниһа (кочегара), партията суох, бэйэ туруорунуута.

Уус Алдан улууһун (оройуонун) Сэбиэтин ахсыс ыҥырыытын 12 №-дээх Найахытааҕы быыбардыыр уокуругун депутатыгар эбии быыбарга кыттар баҕалаах түөрт киһи докумуонун бэрэбиэркэҕэ туттарда:

  1. ВИНОКУРОВ Давид Федорович, 1979 с. төрүөх, үрдүк үөрэхтээх. “Найахы” ТХПК толорор директора, Уус Алдан улууһун Мындааба бөһ. олохтооҕо, партията суох, бэйэ туруорунуута.
  2. ОЛЛОНОВ Николай Николаевич, 1985 с. төрүөх, “СУ-77” ХЭТ механига, Уус Алдан улууһун Бороҕон с. олохтооҕо, РФКП чилиэнэ, РФКП политическай партия Уус Алданнааҕы олохтоох салаатынан туруорулунна.
  3. СИВЦЕВ Петр Степанович, 1983 с. төрүөх, үрдүк үөрэхтээх, СӨ Дьокуускай к. олохтооҕо, “Сутам” ХЭТ директорын солбуйааччы, “Биир ньыгыл Россия” партия чилиэнэ, “Биир ньыгыл Россия” политическай партия олохтоох салаатынан туруорулунна.
  4. ТИМОФЕЕВ Петр Петрович, 1995 с. төрүөх, үрдүк үөрэхтээх, СӨ Дьокуускай к. олохтооҕо, Н.В. Чупрова ИП бухгалтера, партията суох, “Новые люди” политическай партия регионнааҕы салаатынан туруорулунна.

Уус Алдан улууһун Дүпсүн нэһилиэгин бэрэстэбиитэллээх органын депутаттарын 15 мандаатыгар бастакы уокуругар 21 кандидат, иккис уокуругар 6 кандидат, барыта 27 кандидат регистрацияланна.