Өрөспүүбүлүкэ үрдүнэн Баһаары утарыы судаарыстыбаннай сулууспатын начальнига Руслан Захарович Босиков 2024 сыл тохсунньу 30 күнүнээҕи 235№-дээх бирикээһинэн «Безопасный гараж» акция олунньу 5 күнүттэн кулун тутар 4 күнүгэр диэри биллэриллибитэ.
Акция сүрүн сыала-соруга: баһаар ахсаанын аччатыы, баһаарга киһи өлүүтэ, эчэйиитэ суох буоларын туһугар, баайы-дуолу уокка былдьаппат туһугар анал былаанынан үлэлэр, иһитиннэриилэр ыытыллыахтара. Ыытыллар үлэ сүнньүнэн гаражтарга рейдэлэр, сэрэтэр үлэлэр ыытыллыахтара.
Өрөспүүбүлүкэ үрдүнэн 2024 сыл тохсунньу 30 күнүнээҕи дааннайынан, чааһынай бас билиигэ 30 баһаар бэлиэтэннэ. Былырыын баччаҕа 39 баһаар.
Биһиги улууспутугар быйыл 2 баһаар бэлиэтэннэ. Ол курдук чааһынай баанньыкка уонна чааһынай дьиэҕэ умайыы таҕыста. Былырыын баччаҕа 12 баһаар буолбута, ол иһигэр 9 гаражка умайыы буолбута, 2 чааһынай баанньык умайбыта уонна трассаҕа “Суотту – Бороҕон” 10 км грузовой массыына олоччу умайбыта. Баһаардар үксүн чааһынай бас билиигэ буолаллар. Ордук оттук сезонун кэмигэр гаражтарга үгүс умайыылар тахсар буоллулар.
Бу сүрүн биричиинэтэ бэйэ оҥоһуу оһоҕун туттууттан, оһоҕу оттон баран көрүүтэ суох хаалларыыттан, оһох турбатыттан, оһох тулатыгар умайар эттиги чугас уурууттан буоллулар.
Гаражка ирдэбили тутуһууну хас биирдии гаражтаах хаһаайын тутуһара ирдэнэр, ол курдук гаражка бензинин бааҕа тэстэр техниканы туруорар көҥүллэммэт, ону тэҥэ аһаҕас уотунан техниканы ириэрии;
– гаражка табахтыыр, бензининэн, сэлээркэнэн, керосинынан техника деталларын сууйар, кырааскалыыр;
– миэбэли, тутуу матырыйыаалын уонна да атын умайыан сөптөөх матырыйаалы дьаарыстыыр, туруорар;
– гараж иһигэр техниканы заправкалыыр;
– техника арыытын-сыатын соппут тирээпкэни гараж иһигэр мээнэ быраҕыы көҥүллэммэт.
– гараж оттуллар оһоҕо анал завод оҥорбут оһоҕо туруохтаах ( п.82, п.80 ППР В РФ).
– оһох турбатын тахсыыта кирпииччэнэн 35х35см эргитиллэн тахсыахтаах.
– оһох аанын иннигэр тимир ылтаһын эбэтэр цемент буолара ирдэниллэр.
– тимир оһох тулатыгар 1м. 35 см. чугас умайар матырыйаал турара көҥүллэммэт.
– уотун ситимэ, розетката, лампата ирдэбилгэ эппиэттиэхтээх (п.35 ППР В РФ).
Улуус олохтоохторо уокка-күөскэ сэрэхтээхтик сыһыаннаһаргытыгар. Баһаары сэрэтэр анал пожарнай извещатели дьиэҕитигэр туруорунаргытыгар (АДПИ). Кыра оҕону соҕотохтуу таһыттан хатаан барбаккытыгар сүбэлиибит.
Улуустааҕы баһаары утары сэрэтэр үлэ отдела