Күндү ааҕааччыларбыт, улууспут олохтоохторо! Биһиги редакциябыт сыл ахсын сурутуу хампаанньатын кэмигэр “Бэтэрээни сурут” аахсыйаны ыытар. Быйыл Улуу Кыайыы 80 сылын бэлиэтиир сылга бу тэрээһиммит суолтата өссө үрдээтэ.
Күндү биир дойдулаахтарбыт! Улуу Кыайыы өрөгөйдөөх үбүлүөйүн бэлиэтиир күммүтүн көрсө “Бэтэрээни сурут” аахсыйаҕа кыттыһаргытыгар ыҥырабыт. Аахсыйа киэҥ далааһыннаах буоларын туһугар улуус таһымыгар биллэрэн, хас биирдии тэрилтэ үлэһитэ уонна баҕалаах дьон бука бары чугас бэтэрээн дьоммутугар (тыыл, үлэ бэтэрээнэ биир киһиэхэ): ийэлэрбитигэр-аҕаларбытыгар, аҕам саастаах эдьиийдэрбитигэр-убайдарбытыгар, истиҥник саныыр учууталларбытыгар, ыалларбытыгар, үтүө сүбэһит буолар доҕотторбутугар соҕотох хаһыаппытын бэлэх уунуоҕуҥ (СВО кыттыылааҕын дьиэ кэргэнигэр эмиэ сурутуоххутун сөп).
Аахсыйаны улуус баһылыгын э.т. Илья Артамонов, баһылыгы солбуйааччылар Анатолий Сторожев уонна Анатолий Алексеев саҕалаатылар, салгыы бука бары кыттыһыаххыт диэн эрэнэбит.
Почтанан сурутуу сыаната 6 ыйга
- 810,24 солк. (аадырыска тиксэрии)
- 776,94 (почтаттан ылыы)
Альтернативнай сурутууну тэрийэр нэһилиэктэргэ
(Мүрү, Баатаҕай, 2-с Лөгөй)
- 693 солк. (муус устар бүтүөр диэри чэпчэтиилээх сыананан).
Көхтөөх сурутууну тэрийбит тэрилтэлэргэ сурутуу хампаанньата түмүктэннэҕинэ, ол эбэтэр от ыйыгар, биһирэбил бириистэри туттарыахпыт.
Редакция